LUKAS 4:23 - BIBEL JAMITA NA DENGGAN

²³ Dung i didok Jesus ma tu halahi, “Tontu didok hamu do umpama on tu Au: ‘Ale, pangubati, pamalum ma jolo diriMu sandiri. Angka na nipatupaMu di Kapernaum, laing songon i ma jolo baen di huta hagodanganMon.’ ”

LUKAS 4:23 ပူးပေါင်းရင်းမြစ်များ

MATEUS 13:54

Mulak ma Ia tu huta hagodanganNia. Jadi kehe ma Ia mangajari di bagas paribadatan na disi. Homang-homang ma sude halak na manangihon i, hara ni tabona. Didok halahi ma, “Sian dia do dapot Ia hamaloon na songon i? Dung i sian dia do dapot Ia hagogoonNia mambaen angka hahomangan i?

MATEUS 4:13

Ditadingkon Ia ma kota Nasaret, kehe ma Ia maringanan tu kota Kapernaum. I ma sada kota di topi ni Dano Galilea na masuk tu Luat Zebulon dohot Naftali.

MATEUS 4:23

Dung i dibolus Jesus ma sude Luat Galilea. Mangajari ma Ia di angka bagas paribadatan ni halahi. Dijamitahon Ia ma Jamita Na Denggan taringot tu Harajaan Ni Debata. Dipamalum Ia ma angka na marnyae dohot halak na markahurangan.

MARKUS 6:1

Mulak ma Jesus rap dohot angka anak siseanNia, tu huta hagodanganNia.

LUKAS 2:39

Dung sidung dipatulus sude na niaturkon ni Tona Ni Tuhan, mulak ma halahi tu kota Nasaret na di Galilea.

LUKAS 2:51

Dung i mulak ma Jesus rap dohot halahi tu Nasaret, mangoloi tu halahi. Sudena i disimpan inangNa i ma di bagasan rohania.

LUKAS 4:16

Dung i kehe ma Jesus tu Nasaret kota hagodanganNia. Hatiha Ari Sabat songon na somal dohot ma Ia tu bagas paribadatan. Hatiha jongjong Ia laho mamasa Buku Na Badia i,

LUKAS 4:31

Dung i kehe ma Jesus tu Kapernaum na di Galilea. Hatiha Ari Sabat diajari Ia ma halak disi.

LUKAS 4:35

Disonggakkon Jesus ma tondi i. “Sip!” ninna Jesus, “Morot ma sian bayo on!” Dung i diompaskon setan i ma bayo i di jolo ni halahi sude, dung i ruar ma ia sian bayo i. Nada jabat mahua bayo i nian.

LUKAS 6:42

Bia ma pandokkonmu tu donganmu, ‘Santabi jolo dongan, anso hubuat na sansilbak na menek na di matami’, salang balok na godang na di matami sandiri so diida ho? O, pangalancap! Paruar ma jolo balok na godang na di matami sandiri, i pe anso tangkas diida ho laho mambuat na sansilbak na di mata ni donganmu.”

JOHANNES 4:28

Dung i ditadingkon anak boru i ma guncinia i disi, kehe ma ia marlojong tu kota jana didok ia ma tu angka halak na di kota i,

2 KORINTUS 5:16

Jadi hara ni i, nada marguru tu parsuhatan ni jolma be hami manimbang halak. Najolo jungada do hami parsuhatkon parsuhatan ni jolma tu Kristus, tapi anggo saonnari nada be.