LUKAS 24:6 - BIBEL JAMITA NA DENGGAN

⁶ Inda adong dison Ia; madung mulak mangolu Ia! Ingot hamu ma na nidokNia tu hamu dompak di Galilea dope Ia.

LUKAS 24:6 ပူးပေါင်းရင်းမြစ်များ

MATEUS 12:40

Tolu ari tolu borngin Panurirang Junus di bagasan butuha ni ihan na godang i. Songon i muse ma Anak Ni Jolma i, di bagasan tano.

MATEUS 16:21

Mamungka sian i marsitangkas ma Jesus paboahon tu angka anak siseanNia i. Angkon kehe Ia tu Jerusalem jana angkon parkancitan ni angka pamimpin dohot angka Sintua Ni Malim dohot Siboto Surat Jahudi ma Ia disi. Angkon bunuon Ia, tapi mulak mangolu ma Ia di ari patoluhon!

MATEUS 27:63

Didok halahi ma, “On dope anso hami ingot tuan, taran mangolu pargabus i unjung do didok Ia songon on, ‘Dung tolu ari, mulak mangolu ma Au mangulahi.’

MATEUS 28:6

Nada dison be Ia. Madung ngot Ia songon na nidokNia hian tu hamu. Ligi hamu ma inganan hapayahanNa.

MARKUS 16:6

Didok doli-doli i ma, “Ulang mabiar hamu! Huboto do na manjalahi Jesus halak Nasaret na diparsilangkon i do hamu. Inda dison be Ia. Madung dipangolu Ia mangulahi! Ligi hamu ma, disindi hian do bangkeNia dipayakkon.

MARKUS 8:31

Dung i dipungka Jesus ma mangajarkon tu angka anak siseanNia paboahon angkon bahat parkancitan taonon ni Anak Ni Jolma i. Dialo angka pamimpin dohot angka sintua ni malim dohot angka Siboto Surat i ma Ia. Bunuon ni halahi ma Ia, tapi dung tolu ari, mulak mangolu ma Ia mangulahi.

LUKAS 24:34

Didok angka sisean i ma, “Tutu do na dung mulak mangolu Tuhanta i! Madung dipataridahon Ia diriNia tu si Simon!”

LUKAS 24:5

Sun ma biar ni halahi, gabe manungkap ma halahi tu tano. Jadi di na songon i, didok sidua halak i ma tu halahi, “Biasi dijalahi hamu na mangolu di inganan ni na mate?

LUKAS 9:22

Anggo Anak Ni Jolma i, tutu do Ia angkon markancit jana dialo angka pamimpin dohot angka sintua ni malim, songon i angka Siboto Surat Jahudi. Dibunu ma Ia, tapi mulak mangolu do Ia di ari patoluhon.”

LUKAS 9:44

“Tangkas ma parrohahon hamu na Hudok on: Pasahaton ma Anak Ni Jolma i tu kuaso ni jolma.”

BAENON NI ANGKA RASUL 2:24

Tapi dipabangkit Debata do Ia jana dipalua sian bernit ni hamatean, angke nada tarbaen hamatean i torus maniop Ia.

2 TESSALONIKA 2:5

Adong he na so niingotmunu be na dung hupaboa sudena i tu hamu dompak rap au dohot hamu?