LUKAS 24:50 - BIBEL JAMITA NA DENGGAN

⁵⁰ Dung i dioban Jesus ma halahi tu balian, lopus tu Betania. Diangkat Ia ma disi tanganNia mamasumasu halahi.

LUKAS 24:50 ပူးပေါင်းရင်းမြစ်များ

PAMUNGKAAN 27:4

Tabo ma jolo lompa hagiotku, jadi oban ma tu au. Dung hupangan i, lehenonku ma pasupasungku na parpudi tu ho painte so marujung ngolungku.”

PAMUNGKAAN 48:9

“On ma dakdanakki na nilehen ni Debata tu au di Mesir on,” ning si Josep mangalusi. Didok si Jakob ma, “Padonok ma tu au anso hupasupasu halahi.”

PAMUNGKAAN 49:28

I ma na dua bolas marga ni Israel, jana i ma na nidok ni amang ni halahi di na mandok hata parsirangan tu halahi sada-sada be.

HAMALIMON 9:22

Dung sidung sude haul i dipasahat, dipahirbang si Harun ma tangannia tu ginjang ni halak na bahat i mamasu-masu halahi, dung i mijur ma ia.

MATEUS 21:17

Dung i kehe ma Jesus, ditadingkon Ia ma halahi. Kehe ma Ia tu kota Betania disi ma Ia marborngin.

MARKUS 10:16

Dung didok Jesus songon i, dihaol Ia ma angka dakdanak i, diampehon Ia ma tanganNia jana dipasupasu Ia ma halahi.

MARKUS 11:1

Jadi dung marayak Jerusalem, kehe ma halahi tu kota Betpage dohot tu kota Betania na di pat ni Dolok Zetun. Disuru Jesus ma dua halak siseanNia i anso parjolo sian Ia.

LUKAS 24:51

Jadi taran na mamasumasu Ia tu halahi, marsirang ma Ia sian halahi, manaek ma Ia tu banua ginjang.

BAENON NI ANGKA RASUL 1:12

Dung i mulak ma angka rasul i tu Jerusalem sian Dolok Zetun. Na donok do dolok i tu Jerusalem, hira-hira sakilometer daona.

BAENON NI ANGKA RASUL 1:9

Dung didok Jesus songon i, tarangkat ma Ia tu banua ginjang dipanotnoti halahi, jana diholipi ombun i ma Ia sian parnidaan ni halahi.

1 TIMOTEUS 2:8

Sanga na di dia pe angkon martangiang do angka halaklahi tu Debata sian roha na ias jana ulang mardongan muruk dohot salisi.

JOSUA 22:6

Dung i disuru si Josua ma halahi mulak jana dipasupasu ia. Jadi mulak ma halahi tu parbandaranna.