LUKAS 23:35 - BIBEL JAMITA NA DENGGAN

³⁵ Dibagi-bagi halahi be ma disi pakean ni Jesus, i ma markite-hite lotere. Marjongjongan do angka jolma i disi paida-ida sudena i, jana laing mangincak-incahi ma angka hatobangon ni halak Jahudi tu Jesus. Ninna halahi ma, “Anggo halak na asing madung dipalua Ia; padiar ma dipalua Ia diriNia sandiri, paboa na tutu situtu ma Ia Kristus na nitodo ni Debata i!”

LUKAS 23:35 ပူးပေါင်းရင်းမြစ်များ

MASMUR 22:17

Ma pola haidaan sude holi-holingku, songon sitontonan au diida musu.

MASMUR 35:15

Hape di na marsak au, jop do roha ni halahi, jana marrongom tu au mangincak-incahi. Halak na so hutanda mambalbali au, nada marnamantak.

MASMUR 4:2

Hamu ale angka jolma, sadia honok nari hamu palayas hamuliaonKu? Olat ni andigan sai mangkojar na soada, dohot mangkaholongi na so marguna?

MASMUR 69:26

Angke diparhanciti halahi do jolma na niuhumMu, dipahata-hata halahi do halak na nisiksaMu.

MASMUR 71:11

Didok halahi, “Madung ditadingkon Debata ia; beta ma takojar jana tatangkup ia, angke nada adong be na paluahonsa.”

JESAYA 42:1

“Ligi, indu do naposongKu na Hutiop, naposo todoan ni rohangKu, lomo do rohangKu disia. Madung Hulehen kuasongKu tusia, laho maroban hatigoran tu angka bangso sudena.

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

ANDUNG 3:14

Gabe sipartataan sajo noma au di sude halakku, jana marlayas dibaen halahi sasadari.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

MATEUS 12:18

“Ligi ma suruanKu na Hutodo i, haholongan ni roha na pajopkon rohangKu. TuSia ma lehenonKu tondingKu, dung i jamitahononNia ma tona tu angka bangso.

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

LUKAS 16:14

Dibege angka halak Parise do sude na nidok ni Jesus. Tapi dipartatai halahi ma ia hara ni por ni roha ni halahi di hepeng.

LUKAS 23:13

Dipalagut si Latus ma angka sintua ni malim, angka hatobangon dohot rayat.

LUKAS 23:39

Sada sian parjahat na diparsilangkon i disi mangincahi do tu Jesus. Didok ia, “Na he Ho do Kristus i? Antong anggo songon i, palua ma diriMu dohot hami!”

1 PETRUS 2:4

Antong, dapotkon hamu ma Ia. Songon batu na mangolu do i, i ma batu na niambungkon ni jolma hara ni na so marguna didok rohana; hape batu i do na mararga situtu anggo di Debata.