LUKAS 23:31 - BIBEL JAMITA NA DENGGAN

³¹ Angke haru tu hayu na mangolu madung dibaen halak na songon on, mur tu hayu na punggur, bia muse noma ulaning baenon ni halahi!”

LUKAS 23:31 ပူးပေါင်းရင်းမြစ်များ

PODA 11:31

Dapotan upa do di tano on halak partigor. Jadi, pasti dapot uhuman do na jahat dohot pardosa.

JEREMIA 25:29

PungkaonKu ma na mangaroncohon i sian kotangKi sandiri. Ulang jabat diambang halahi na so hona uhum be halahi. Angkon hona halahi, angke pamasaonKu ma porang tu sude bangso na adong di sandok portibi on. Au Tuhan, madung mandok songon i.”

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

LUKAS 23:30

Dokkonon ni halak ma di hatiha i tu angka dolok, ‘Tinggangi ma hami!’ Jana tu angka partoran, ‘Lingkupkon ma hami!’

LUKAS 23:32

Adong muse dope dua halak nari na asing na nioban ni halahi anso diuhum rap dohot Jesus.

JOHANNES 15:6

Sanga ise na so tinggal di bagasan Au, ambungkonon ma ia songon ranting i gabe mahiang. Angka ranting na songon i, sipalaguton ma i jana siambungkonon tu bagasan api, anso mosok.

IBRANI 6:8

Tapi anggo angka duri dohot angka duhut do na tubu sian tano i, nada adong guna ni tano sisongon i, jana buraan ma i muse jana ujungna nitutungan lopus abis.

JUDAS 1:12

Muda hatiha mambaen pesta parjamuan hamu, laing halahi ma tongtong na mambaen tilako di hamu. Angke nada adong ila ni roha ni halahi, na songkal jana na pamokmokkon dirina. Songon ombun na niombuskon ni alogo do halahi, hape nada parohon udan. Laing songon suan-suanan do halahi na so marbatu haru pe madung dapot musimna; songon suan-suanan na niumpat do halahi gabe rahar.