LUKAS 23:27 - BIBEL JAMITA NA DENGGAN

²⁷ Laing bahat do halak na mangudurkon Jesus, adong ma i deba angka dadaboru. Ditangisi jana diandungi angka dadaboru i ma Jesus.

LUKAS 23:27 ပူးပေါင်းရင်းမြစ်များ

MASMUR 22:17

Ma pola haidaan sude holi-holingku, songon sitontonan au diida musu.

MATEUS 11:17

‘Madung martulila hami di hamu, tapi nada ra hamu manortor! Madung mangandungi hami, hape nada ra tangis hamu!’

MATEUS 27:55

Laing adong do disi angka dadaboru na manatap-natap sian na dao. Halahi ma angka dadaboru na dohot mamungka sian Galilea mangihutkon Jesus laho mangurupi Ia.

MARKUS 15:40

Adong muse do disi angka dadaboru na mangaligi Ia sian na dao. I ma si Salome, si Maria Magdalena dohot si Maria inang ni si Jakobus na poso dohot si Joses.

LUKAS 23:28

Ditailihon Jesus ma tu halahi jana didok Ia ma, “Hamu angka boru Jerusalem! Ulang ma tangisi hamu Au. Dirimunu sandiri dohot angka dakdanakmunu ma tangisi hamu.

LUKAS 23:55

Diihutkon angka dadaboru na ro rap dohot Jesus sian Galilea i ma si Josep mangaligi kuburan i. Laing diida halahi do sanga tarbia parpayak ni bangke ni Jesus di bagasan kuburan i.

LUKAS 8:2

Songon i muse angka dadaboru na dung dipamalum sian angka tondi na jahat dohot nyae. I ma si Maria na nigoaran muse si Magdalena (pitu begu dipaorot sian ia);

LUKAS 8:52

Martangisan ma sude halak jana marsak be rohana hara ni parmate ni dakdanak i. Mandok hata ma Jesus, “Ulang hamu tangis. Inda na mate dakdanak on. Hum na modom do i!”

JOHANNES 16:20

Hudok ma tu hamu: Satutuna martangisan ma hamu jana mangandungi; tapi jop ma roha ni portibi on. Susa ma rohamunu tapi gabe muba ma hasusaanmunu i gabe hajojop ni roha.