LUKAS 22:35 - BIBEL JAMITA NA DENGGAN

³⁵ Dung i didok Jesus ma tu halahi, “Nabaruon dompak Husuru hamu na so Hupaloas do maroban dompet, huncang sanga sipatu, adong he bagi aha hurang di hamu?” “Nada adong na hurang,” ning halahi mangalusi.

LUKAS 22:35 ပူးပေါင်းရင်းမြစ်များ

PAMUNGKAAN 48:15

Dung i dipasupasu ia ma si Josep, didok ia ma, “Debata do na nisomba ni si Abraham dohot si Ishak, laing ia do na manogu au lopus saonnari;

1 RAJA-RAJA 11:22

“Biasi?” ning raja i manyapai. “Adong he na hurangan ho dison, umbaen na giot mulak ho tu tano hatubuanmu?” “Nada nian,” ning si Hadad, mangalusi, “Tapi padiar ma songon i kehe au.” Jadi mulak ma ia tu tano hatubuannia.

MASMUR 23:1

Songon sada parmahan do Tuhan di au, nada adong hurang bagi aha di au.

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

LUKAS 10:4

Ulang oban hamu huncang sanga inganan ni hepeng, sanga pe sipatu. Ulang pola jalang hamu halak di tonga dalan.

LUKAS 22:34

Tapi didok Jesus ma, “Au ma mandok di ho Petrus, dompak so martahuak dope manuk sadari on, tolu noli ma dokkononmu, na so ditanda ho Au.”

LUKAS 22:36

“Tapi anggo saonnari, sanga ise na adong dompetna sanga huncangna, dioban ma; jana na so adong podangna, digadis ma baju jubana panobusi ni podang.

LUKAS 9:3

Jadi ninna Jesus ma tu halahi, “Ulang oban hamu sanga aha di pardalananmunu, sanga tungkot, sanga huncang, sanga sipanganon, sanga hepeng, sanga dua pakean pe.

2 KORINTUS 8:15

Di Buku Na Badia i tarsurat do, “Sanga na ise na bahat pangomoanna, nada marlobi-lobi, jana halak na otik pangomoanna, nada marhahurangan.”

PANGARATAION 8:16

Di parhorsihan i dilehen Ia do manna gabe sipanganonmunu, i ma sipanganon na so jungada humani dope dipangan ompumunu di jolo ni i. Diparo Ia angka hamaolon tu dirimunu laho manguji hamu anso di ujungna tarbaen Ia mamasumasu hamu dohot rasoki.