LUKAS 22:33 - BIBEL JAMITA NA DENGGAN

³³ Dialusi si Petrus ma, “Olo Tuhan, rade do au masuk tu hurungan jana mate rap dohot Ho!”

LUKAS 22:33 ပူးပေါင်းရင်းမြစ်များ

PODA 28:26

Sanga ise na mangasahon pandapotna sandiri, nada adong na binotona. Sanga ise na mangihutkon pangajaran ni halak na marroha maruli hangoluan.

JEREMIA 10:23

Huboto do ale Tuhan, sahalak pe nada margogo manontuhon dalanna sanga mangatur pardalan ni ngoluna.

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

MATEUS 20:22

“Na so diboto hamu do na nipangidomunu,” ning Jesus tu halahi. “Tarinum hamu ma lakna panginuman na giot inumonKi?” “Tarinum hami do i,” ninna halahi.

MARKUS 14:29

“Nada!” ning si Petrus, “Haru sude pe halahi maninggalkon Ho anggo au bagi na bia pe inda.”

MARKUS 14:31

Ninna si Petrus dope manggogohon mangulahi, “Haru pe angkon gabe mate au rap dohot Ho, bagi na bia pe nada parsoonku Ho!” Jadi sude ma anak siseanNia na asing i mangihut mandok songon i.

LUKAS 22:34

Tapi didok Jesus ma, “Au ma mandok di ho Petrus, dompak so martahuak dope manuk sadari on, tolu noli ma dokkononmu, na so ditanda ho Au.”

LUKAS 22:57

Tapi diporso si Petrus do i. Didok ia, “Saotik pe nada hutanda Ia!”

JOHANNES 13:38

Dialusi Jesus ma, “Tutu ma he na ra ho mate humopkop Au? Tutu do na Hudok on tu ho: Painte so martahuak manuk, ma pola tolu noli diporso ho Au!”

BAENON NI ANGKA RASUL 21:13

Tapi dialusi ia ma, “Aha ma he gunana martangisan hamu songon on, hum mangarsahi ate-atengku do i. Angke nada hum nirahutan au rade, tapi na rade do au mate di Jerusalem humopkop goar ni Tuhan Jesus.”