LUKAS 21:35 - BIBEL JAMITA NA DENGGAN

³⁵ Angke songon tirangkap do parro ni ari i tu halak na satano on.

LUKAS 21:35 ပူးပေါင်းရင်းမြစ်များ

PAMUNGKAAN 7:4

Pitu ari nari paroonKu ma udan na so ra sumirsir opat pulu ari opat pulu borngin lolotna anso abis sude sandok na mangolu na Hutompa i.”

MASMUR 11:6

Tu halak na jahat diparo do udan api dohot barerang, diuhum Ia halahi dohot haba-haba na manutung lopus marragean.

PARJAMITA 9:12

Nada diboto jolma sanga andigan dapot hatihana. Songon unggas na hona jorat dohot ihan na hona jala, songon i muse do jolma hona mara di hatiha na so ditagam roha.

LUKAS 17:37

Disapai angka sisean ni Jesus ma, “Di dia ma i Tuhan?” Dialusi Jesus ma, “Sanga na di dia adong bangke, disi do marlagut halihi.”

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

BAENON NI ANGKA RASUL 17:26

Sian sada jolma dibaen Ia ma sude bangso jana disuru Ia halahi mangingani tano on sudena. Laing marguru diSia do sian mulana laho manontuhon sanga andigan hatihana jana olat ni dia batasna halahi tola mangolu.

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”