LUKAS 21:33 - BIBEL JAMITA NA DENGGAN

³³ Anggo langit dohot tano on mago do i, tapi anggo hatangKi indangkon na ra mago.”

LUKAS 21:33 ပူးပေါင်းရင်းမြစ်များ

MASMUR 102:26

Sude do i angkon mago, hum Ho do na sai hot; songon pakean sude do angkon mumut songon baju na buruk ambungkononMu noma i, gabe mago ma sudena i.

MASMUR 119:152

Madung honok huboto angka paraturanMu, dipahot Ho do i anso manongtong salolot-lolotna.

JESAYA 40:8

Mahiang do duhut i jana malos ma bunga i, tapi anggo hata ni Debata sai na hot do i salolot ni lolotna.”

JESAYA 51:6

Tatap ma tu langit, tailihon ma tu tano, mago ma langit i songon timus. Buruk do tano on songon abit, mate sude na mangingani i songon rongit. Tapi anggo haluaan na Hulehen i, hot do salolotna, hamonanganKu nada adong ujungna.

MATEUS 24:35

Anggo langit dohot tano on mago do, tapi anggo hatangKi angkon hot do salolot-lolotna.”

MATEUS 5:18

Ingot ma! Salolot adong langit dohot tano on, satitik sanga sahurup na menek pe nada tola nisesa sian Tona i, lopus tulus sudena i!

MARKUS 13:31

Sego pe langit dohot tano on, tapi anggo na Hudokkon i inda na mago i.”

LUKAS 16:17

Tapi ummura dope mago langit dohot tano, ulang pado mago sada hurup sian Tona i.

LUKAS 21:32

Tutu do na Hudok di hamu! Anggo so tarjadi dope sudena i, nada mate muse dope angka jolma na mangolu saonnari on.

1 PETRUS 1:25

tapi anggo hata ni Debata hot do salolot-lolotna.” Jamita na Denggan do hata na dung dijamitahon i tu hamu.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.