LUKAS 21:28 - BIBEL JAMITA NA DENGGAN

²⁸ Jadi muda dung mamungka tarjadi na songon i, jongjong ma ho jana padorgak hamu ma ulumunu, angke santongkin nari paluaon ma hamu.”

LUKAS 21:28 ပူးပေါင်းရင်းမြစ်များ

LUKAS 13:11

Adong ma disi sada dadaboru na jabat salapan bolas taon honokna marnyae hara ni tondi na jahat ro tusia. Puhung noma pamatangna i jana nada tarbaen ia be tigor jongjong.

LUKAS 18:7

Anggo sai pio-pio do bangso ni Debata arian dohot borngin tu Debata nada he belaon ni Debata muse parkaro ni bangsoNa i? Adong he dipalolot-lolot Ia laho manolong halahi?

LUKAS 21:29

Dung i dicaritahon Jesus ma tu halahi umpama on. Didok Jesus ma, “Parrohahon hamu ma jolo bona ni gala-gala i dohot sude suan-suanan na asing i.

SURAT NI SI PAULUS TU PARLAGUTAN ROM 8:19

Hara ni lungunna, sasudena na nitompa i painte-intehon do sanga andigan hatihana patidahonon ni Debata hasangapan ni angka dakdanakNia i.

SURAT NI SI PAULUS TU PARLAGUTAN ROM 8:23

Tapi nada hum i sajo, dohot do hita manjagit patumonaan ni Tondi i, humolos muse do hita di bagasan rohanta huhut painte-intehon hadakdanahan i, i ma haluaan ni pamatangta.

EPESUS 1:14

Tondi i ma na gabe jaminan paboa na jagitonta ma sanga aha na nijanjihon ni Debata tu halakNia. Jana on ma na papos rohanta paboa na angkon paluaon ni Debata ma angka halakNia. Sipujion do Debata hara ni hagodanganNia i!

EPESUS 4:30

Ulang ma pahancit hamu roha ni Tondi Parbadia ni Debata. Madung dimeteraihon Tondi i hamu tu ari haluaan i.