LUKAS 20:38 - BIBEL JAMITA NA DENGGAN

³⁸ Nada Debata ni halak na mate Tuhan i tapi Debata ni halak na mangolu do i! Harana anggo di Debata, na mangolu do sude jolma.”

LUKAS 20:38 ပူးပေါင်းရင်းမြစ်များ

MATEUS 22:32

‘Au do Debata ni si Abraham, Debata ni si Ishak dohot Debata ni si Jakob.’ Inda Debata ni halak na mate anggo Debata, Debata ni halak na mangolu do Ia!”

MARKUS 12:27

Tapi anggo Debata, nada Debata ni na mate; Debata ni na mangolu do. Na lilu do hamu!”

LUKAS 20:39

Adong ma deba sian angka Siboto Surat i na mandok, “Denggan sajo do pangalusi ni Guru i.”

JOHANNES 14:19

Nada sadia honok nari, nada idaon ni portibi on be Au, tapi anggo hamu laing idaonmunu do Au; jana dibaen na mangolu do Au, hamu pe laing mangolu.

JOHANNES 6:57

Damang na mangolu i do na marsuru Au jana Au pe na mangolu sian Damang i do. Laing songon i muse ma na mangankon pamatangKu, laing sian Au ma ia mangolu.

2 KORINTUS 13:4

Nian anggo dompak na niparsilangkon i Ia, gale do Ia tutu, hape anggo saonnari mangolu do Ia hara ni kuaso ni Debata. Hami pe gale do di bagasan Ia, tapi angkon mangolu do hami rap dohot Ia salaho tu hamu hara ni kuaso ni Debata.

2 KORINTUS 6:16

Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.

IBRANI 11:16

Hape anggo saonnari, luat na dumenggan do na nijalahan ni halahi, i ma banua ginjang. Hara ni i ma umbaen na so pola ila roha ni Debata nigoaran Ia Debata ni halahi, angke madung dipasingkop Debata sada kota di halahi.

HALUMBAAN 22:1

Dipatidahon surusuruan i muse dope tu au batang aek na lan sajo songon kristal jana mangalehen ngolu do aekna i. Sian habangsa ni Debata do mardalan batang aek i dohot sian Anak Ni Biri-biri i,