LUKAS 20:16 - BIBEL JAMITA NA DENGGAN

¹⁶ “Tontu ro ma ia, jana matehononnia ma sude angka na mamola i. Jana tu halak na asing noma pabolahononnia kobun i.” Dung dibege angka halak i na songon i, didok halahi ma tu Jesus, “Ah, sai dao ma na songon i!”

LUKAS 20:16 ပူးပေါင်းရင်းမြစ်များ

MATEUS 21:34

Dung dapot hatihana mamutik batu ni anggur i, disuruhon partano na bidang i ma angka naposonia mandapotkon angka na mamola kobun i laho manjagit bolaanna.

MATEUS 21:41

Dialusi halahi ma, “Tontu bunuonnia ma sude angka parjahat i, dung i tu halak na asing noma dipabolahon ia kobun anggurnia i. Tu halak na ra mangalehen bolaan ni tano i tusia muda dapot hatihana,” ning halahi.

MATEUS 22:7

Dung dibege raja i na songon i, muruk sajo ma ia. Gabe disuruhon ia ma tentarania mambunu angka sibunu jolma i dohot manyurbu kota ni halahi.

MARKUS 12:9

Dung i disapai Jesus ma, “Antong, aha noma sibaenon ni nampuna kobun i? Ro ma ia laho mangabiskon angka na mamola i, anso dipasahat ia kobunnia i tu angka pamola na asing.

LUKAS 19:27

Jana oban hamu ma tuson angka musungku na so ra manjagit au gabe raja ni halahi. Sambol hamu ma halahi di jolongku!’ ”

LUKAS 20:15

Dung i disarat halahi ma ia tu balian ni kobun i, dibunu halahi ma.” “Antong, aha dope sibaenon ni nampuna kobun anggur i maradopkon angka na mamola i?” ninna Jesus manyapai halak na manangihon umpama i.

BAENON NI ANGKA RASUL 13:46

Tapi mur barani do si Paulus dohot si Barnabas mandok hata. Didok halahi ma, “Tutu do i angkon jolo paboaon do hata ni Debata tu hamu. Tapi hara ni na so ra hamu manjagitsa disi ma ditontuhon hamu sandiri paboa na so tama hamu manjagit ngolu na so mantak i. Jadi saonnari tadingkononnami ma hamu, kehe ma hami mandapotkon bangso na asing.

SURAT NI SI PAULUS TU PARLAGUTAN ROM 11:1

Marsapa ma au: Adong he na dung diambungkon Debata bangsoNia i sandiri? Tontu inda! Au sandiri pe halak Israel do, pomparan ni si Abraham jana sian Marga Benyamin.

SURAT NI SI PAULUS TU PARLAGUTAN ROM 11:11

Jadi marsapa ma au: Na tartuktuk dehe halahi jana angkon tinggang? Nada! Tapi markite-hite pangalaosion ni halahi, dapotan haluaan ma angka bangso na asing, anso gabe mangiburu halak Israel.

SURAT NI SI PAULUS TU PARLAGUTAN ROM 3:31

Muda songon i, na mangagohon Tona i do lakna hami markite-hite haporsayaan i? Dao ma i! Tapi hami pajongjong do Tona i.

SURAT NI SI PAULUS TU PARLAGUTAN ROM 3:4

Dao ma i! Angke anggo Debata sai sintong do tongtong, haru pe pargabus sude jolma. Songon na tarsurat i, “Anso tutu Ho tigor di bagasan angka hataMu, jana monang muda diuhumi Ho.”

SURAT NI SI PAULUS TU PARLAGUTAN ROM 3:6

Bagi na bia pe, nada! Angke sugari inda tigor Debata, bia ma he baenonNia manguhumi portibi on?

SURAT NI SI PAULUS TU PARLAGUTAN ROM 6:15

Antong, bia noma ujungna? Tola dope hita mardosa, hara ni na so ditoru ni Tona be hita, tapi madung ditoru ni asi ni roha? Nada songon i!

SURAT NI SI PAULUS TU PARLAGUTAN ROM 6:2

Tontu nada songon i! Madung mate hita taringot tu dosa i, jadi bia ma hita bisa dope mangolu di bagasanna?

SURAT NI SI PAULUS TU PARLAGUTAN ROM 7:13

Muda songon i, gabe hamatean do lakna na denggan i di au? Nada! Tapi anso torang, bahaso ia do dosa, jana dosa mampargunahon na denggan parohon hamatean tu au, anso markite parenta i, dosa i mur torang muse songon dosa.

SURAT NI SI PAULUS TU PARLAGUTAN ROM 7:7

Antong, aha ma na tardok hita? Dosa dehe lakna Tona i? Nada! Tapi Tona i do na patandahon tu au taringot tu dosa. Nada huboto hian sanga na aha impol ni roha i, sugari nada didok Tona i, “Ulang impol rohamu.”

SURAT NI SI PAULUS TU PARLAGUTAN ROM 9:14

Antong bia ma ujungna dokkononta? Na so tigor do Debata? Anggo i, pasti do tigor Debata!

1 KORINTUS 6:15

Diboto hamu do, anggo pamatangmunu i anggota ni pamatang ni Kristus do i. Antong, tola ma he buatonku sada anggota ni pamatang ni Kristus i, gabe hubaen anggota ni pamatang ni panggampang? Nada songon i!

GALATIA 2:17

Hara ni hasadaonta dohot Kristus, diarop rohanta do anso gabe mardenggan hita mangulahi tu Debata. Tapi haru pe na dung songon i pangalahona angkon laing tardapot do hami “angka pardosa” songon angka jolma na so Jahudi. Adong he ulaning Kristus i do na manjujui hami anso mardosa? Nada songon i!

GALATIA 3:21

Muda songon i, na maralo dehe Tona i tu janji ni Debata? Nada! Harana sugari sura tarbaen Tona i mangalehen hangoluan tu jolma, antong tarbaen do mangulahi mardenggan jolma dohot Debata hara ni Tona i.

GALATIA 6:14

Tapi anggo au sanga na bia pe nada ra au mamuji-muji sanga aha, asing sian silang ni Tuhanta Jesus Kristus i. Angke hara ni silangNa i madung mate au maradopkon portibi on, jana portibi on pe, madung mate di au.