LUKAS 18:32 - BIBEL JAMITA NA DENGGAN

³² Pasahaton ma Ia tu angka halak na so mananda Debata, jana incahan ni halahi ma Ia, pabileonna jana tijurkononna.

LUKAS 18:32 ပူးပေါင်းရင်းမြစ်များ

JESAYA 50:6

Hulehen do tanggurungku tu halak na mambalbali au, jana bohingku tu halak na mangumpat janggutku. Nada hutabunihon bohingku hatiha dipalayas sanga ditijuri au.

JESAYA 52:14

Tarsonggot ma jolma na bahat marnidasa, jatjat rupana, songon na so Anak Ni Jolma do ia ligion.

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

MIKA 5:1

Tapi anggo ho, ale Betlehem Efrata, ho ma sada kota na ummenek di Juda! Hape sian ho ma giot pabangkitonKu sada halak na markuaso di Israel na marasal mula sian narobi.

MATEUS 16:21

Mamungka sian i marsitangkas ma Jesus paboahon tu angka anak siseanNia i. Angkon kehe Ia tu Jerusalem jana angkon parkancitan ni angka pamimpin dohot angka Sintua Ni Malim dohot Siboto Surat Jahudi ma Ia disi. Angkon bunuon Ia, tapi mulak mangolu ma Ia di ari patoluhon!

MATEUS 20:19

dung i pasahaton ni halahi ma Ia tu halak na asing, na so bangso Jahudi. Palayason ni halahi ma Ia, diparkanciti dung i parsilangkonon ni halahi ma Ia. Tapi dipangolu do Ia mangulahi di ari patoluhon.”

MATEUS 22:6

na asing i ditangkup halahi muse dope angka naposo ni raja i. Dung dibalbali, dibunu ma halahi.

MATEUS 26:67

Dung i ditijuri halahi ma bohi ni Jesus, dibalbali ma Ia. Adong muse ma na manampeleng Ia,

MATEUS 27:2

Ditambat halahi ma Ia. Dioban ma laho pasahatkon Ia tu si Latus. I ma gubernur ni Harajaan Rom.

MARKUS 14:65

Jadi adong ma deba na mamungka manijuri Jesus. Adong muse ma na manutup mataNia, dung i dibalbali ma Ia. Didok ma tuSia, “Cubo ma jolo paboa sanga ise na mamukul Ho?” Angka pangawal i pe dohot do mambalbali Jesus.

MARKUS 15:1

Jadi sogot dope diompoti parrapot Godang i ma sude, dohot angka sintua ni malim, bagian hatobangon ni halak Jahudi dohot angka Siboto Surat mambaen partahian. Dirante halahi ma Jesus, dung i dioban ma Ia tu si Latus laho pasahatkon Ia tu si Latus.

LUKAS 18:33

Loncingan ni halahi ma Ia jana bunuonna; tapi di ari patoluhon, mulak mangolu ma Ia mangulahi.”

LUKAS 23:1

Jongjong ma sude na marrapot i, dioban halahi ma Jesus tu jolo ni si Latus.

LUKAS 23:11

Dipacia-cia si Herodes dohot angka tentarana i ma Jesus, diincak-incahi, dung i diabitkon halahi ma tusia pakean hasangapan, dung i ditongos halahi ma Jesus mangulahi tu si Latus.

LUKAS 23:35

Dibagi-bagi halahi be ma disi pakean ni Jesus, i ma markite-hite lotere. Marjongjongan do angka jolma i disi paida-ida sudena i, jana laing mangincak-incahi ma angka hatobangon ni halak Jahudi tu Jesus. Ninna halahi ma, “Anggo halak na asing madung dipalua Ia; padiar ma dipalua Ia diriNia sandiri, paboa na tutu situtu ma Ia Kristus na nitodo ni Debata i!”

JOHANNES 18:22

Dung didokkon Jesus songon i, ro ma sada halak panjago i manampeleng Ia didok ma tuSia, “Na puluk ma Ho mangkatai songon i tu Malim Godang i!”

JOHANNES 18:28

Dung i dioban halahi ma Jesus sian bagas ni si Kayafas tu inganan ni gubernur. Manyogot dope hatiha i. Anggo halak Jahudi i sandiri nada pola masuk tu bagasan inganan i, anso ulang gabe ramun halahi mangihutkon ugamo, hara ni na giot dohot halahi mangankon sipanganon Paskah.

JOHANNES 18:30

Dialusi halahi ma, “Nada pola hami oban Ia tu Gubernur i anggo hara ni na so marsala.”

JOHANNES 18:32

Tarjadi pe songon on anso tulus do hata na nidok ni Jesus taringot tu pangalaho ni parmateNia.)

JOHANNES 18:35

Dialusi si Latus ma, “Halak Jahudi dehe au lakna? BangsoMi sandiri dohot angka sintua ni malim i do na pasahatkon Ho tu au. Aha do lakna na nibaenMu?”

BAENON NI ANGKA RASUL 2:23

Ia na dung dilehen ni Debata tudos tu maksud dohot sangkapNa, madung diparsilangkon hamu di hayu na marsilang jana dibunu markite-hite bangso na geduk.

BAENON NI ANGKA RASUL 3:13

Debata na nisomba ni si Abraham, si Ishak, si Jakob dohot angka ompunta i, i ma Debata na dung pasangapkon NaposoNia, i ma na margoar Jesus, na nipasahatmunu jana na nitulakmunu di adopan ni si Latus di na giot dipalua si Latus Ia.