LUKAS 17:28 - BIBEL JAMITA NA DENGGAN

²⁸ Laing songon na tulus di hatiha ni si Lot, na mangan minum do halahi, na manobusi dohot manggadisi, na manyuan dohot pajongjong bagas halahi.

LUKAS 17:28 ပူးပေါင်းရင်းမြစ်များ

PAMUNGKAAN 13:13

Na jahat do halak Sodom jana mardosa maradopkon Tuhan.

JEREMIA 50:40

Tarjadi muse ma tu Babel sanga aha na tarjadi tu Sodom dohot Gomora di na Huroncohon kota i rap dohot angka pagaran na adong humaliangna. Sahalak pe nada adong be na tading disi. Au Tuhan, madung mandok songon i.

MATEUS 21:12

Dung i masuk ma Jesus tu alaman ni Bagas Ni Debata. Dipaorot Ia ma sude angka na marjagal disi. Diparbalikkon Ia ma sude meja ni angka panukar hepeng dohot bangku-bangku ni parjagal darapati.

LUKAS 17:27

Na mangan minum do halahi, marbagas dohot na pabagaskon lopus di ari hamamasuk ni si Noak tu bagasan parau i; dung i ro ma aek na oto mangagohon halahi sudena.

LUKAS 17:29

Tapi di na kehe si Lot manadingkon Sodom, mijur ma di ari i api dohot barerang sian langit manutung halahi sude.