LUKAS 16:31 - BIBEL JAMITA NA DENGGAN

³¹ Tapi didok si Abraham ma tusia, ‘Muda so diampirkon halahi do si Musa dohot angka panurirang i, indangkon na ra halahi porsaya haru pe adong halak na mate mulak mangolu.’ ”

LUKAS 16:31 ပူးပေါင်းရင်းမြစ်များ

PAMUNGKAAN 9:27

Sai ditambai Debata ma pasupasu tu si Jafet. Jana mur mabidang ma inganannia. Sai rap sauduran ma pomparannia dohot pomparan ni si Sem. Hatoban ni si Jafet noma si Kanaan.”

LUKAS 16:30

Tapi dialusi halak na kayo i ma, ‘Nada tuk i, amang Abraham. Tapi sugari adong ma halak na mate na mulak mangolu jana ro mandapotkon halahi, baru pe anso muba halahi sian angka dosa ni halahi.’

LUKAS 17:1

Didok Jesus ma tu angka siseanNia i, “Angkon sai adong do angka pangalaho na mambaen jolma gabe mardosa. Tapi marjaya ma na mambaen pangalaho sisongon i!

JOHANNES 5:47

Tapi muda nada dihaporsayai hamu sanga aha na nisurat ni si Musa, tarbia ma pangkaporsayaimunu tu na Hudok?”

BAENON NI ANGKA RASUL 19:8

Marsitutu ma si Paulus marjamita tu halak na di bagasan paribadatan i adong tolu bulan honokna, jana inda marnaloja ia marsialusan dohot halahi laho paposkon roha ni halahi taringot tu Debata dohot HarajaanNa i.

BAENON NI ANGKA RASUL 26:28

Dung i didok Raja Agrippa ma tu si Paulus, “Saotik nari noma anso masuk Kristen au dibaen ho!”

BAENON NI ANGKA RASUL 28:23

Jadi ditontuhon halahi ma sada ari parsuoan ni halahi dohot si Paulus. Bahat do halak marroan tu inganan ni si Paulus di ari i. Sian manyogot lalu tu potang dipajojor jana dijamitahon si Paulus ma tu halahi barita taringot tu Harajaan Ni Debata. Didokkoni si Paulus ma angka ayat sian Buku Ni si Musa bope Buku Ni angka Panurirang anso dihaporsayai halahi nian Jesus.

2 KORINTUS 4:3

Muda na laing so diastui dope Jamita Na Denggan na hami jamitahon i, hum angka jolma na giot tu hamagoan sajo noma na so mangastui i.

2 KORINTUS 5:11

Hami boto do tangkas, sanga songon dia na nidok mangkabiari Debata; i do umbaen na manggogo hami papos roha ni halak na asing. Tangkas sajo do hami ditanda Debata, jana pos muse do rohangku torang muse au di bagasan rohamunu.