LUKAS 16:25 - BIBEL JAMITA NA DENGGAN

²⁵ Tapi dialusi si Abraham ma, ‘Ingot ma amang: Dompak di ngolumu madung dijagit ho sude angka na denggan, hape anggo si Lasarus hum na jat do. Saonnari sonang ma ia dison, tapi anggo ho markancit ma.

LUKAS 16:25 ပူးပေါင်းရင်းမြစ်များ

JOB 22:18

Hape nian Debata do na mambaen maradong halahi! Nada niastuan be da parpikir ni halak na so tontu i!

MASMUR 17:14

Palua ma au dohot tanganMu, ale Tuhan, sian angka jolma portibi on, na dapotan bagian di pangoluon on, padiar ma dipabutong butuha ni halahi dohot na dung dipasingkopMu, gabe dohot ma angka dakdanak ni halahi butongan, jana angka na teba i dilehen tu angka dakdanak na menek.

MASMUR 49:11

Maringanan di kuburan noma halahi salolotna; disi noma halahi mian sapanjang manyahena, haru pe dompak di ngoluna, bahat ladang nampunana.

MASMUR 73:7

Gok hajahatan do roha ni halahi, sai giot mambaen sangkap na jat do pikiran ni halahi.

ANDUNG 1:7

Tarsingot ma Jerusalem tu hatihana najolo, taran bahat dope disia hamuliaan; lalu mardangol ma ia boti maronco. Songon i taran madabu ia tu tangan ni musuna, jana sahalak pe nada adong na ro mangurupisa. Martata-tata sajo ma angka musunia paida-ida parrumpaknia.

DANIEL 5:30

Laing di borngin i, hona bunu ma si Belsasar raja ni Babel i.

MATEUS 27:63

Didok halahi ma, “On dope anso hami ingot tuan, taran mangolu pargabus i unjung do didok Ia songon on, ‘Dung tolu ari, mulak mangolu ma Au mangulahi.’

MARKUS 9:45

Dung i, muda hara ni patmu do mambaen ho mardosa, gotapkon ma patmi! Gumonan ma ho mangolu rap dohot Debata na so marpat sabariba, ulang pado mardua pat ho diambungkon tu narako. [

LUKAS 16:20

Adong muse sada halak na pogos si Lasarus goarna, na baro-baroon sap pamatangna i. Somal do ia dioban tu pintu ni bagas ni na kayo i,

LUKAS 16:23

Mardangol situtu ma ia di inganan ni angka na mate i. Jadi di na manatap ia tu ginjang, diida ia ma si Abraham di sihadaoan, jana di lambung ni si Abraham ma si Lasarus.

LUKAS 16:26

Tamba ni i, madung dibaen lung na bidang mangkolangi ho dohot hami, anso ulang tarbaen sian hami on kehe tusi, songon i muse halak na sian i nada tarbaen ro tuson!’

LUKAS 6:24

Tapi marjaya ma hamu na kayo saonnari on; harana madung didai hamu na tabo!

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

BAENON NI ANGKA RASUL 14:22

Dipapos halahi ma roha ni angka na mangihutkon Jesus, jana dipaingot halahi ma angka na mangihutkon Jesus i anso tongtong porsaya tu Jesus. “Angkon jolo bahat do taononta parkancitan baru pe anso maruli hita hatuaan ni Harajaan Ni Debata,” ninna rasul i mamodai angka na mangihutkon Jesus di angka kota nangkinan i.

SURAT NI SI PAULUS TU PARLAGUTAN ROM 8:7

Marsialoan do bako ni jolma tu Debata; angke na so ra do i mangoloi Tona Ni Debata, boti nada tolapsa muse.

PANGARATAION 28:17

Buraan ni Tuhan ma suha ni gandummunu dohot sipanganon na nibaen sian gandum i.

PILIPPI 3:19

Anggo ujungna angkon gabe sego do ngolu ni halak sisongon i, angke na martuhankon hagiot ni pamatangna sandiri do halahi. Angka pangalaho sihailahononkon, hape gabe i do na niargahon ni halahi; angke hum angka na mardomu tu tano on sajo do na nisarihonna.

1 TESSALONIKA 3:3

anso ulang adong sahalak pe sian hamu na dumaol-daol hara ni angka parkancitan on. Hamu sandiri pe diboto hamunu do na nitontuhon ni Debata hian do angka parkancitan i gabe bagianta.

IBRANI 11:25

Gumonan do dihilala ia markancit rap dohot bangso ni Debata ulang pado santongkin mandai hasonangan sian ngolu na mardosa.

1 JOHANNES 2:15

Ulang haholongi hamu portibi on, sanga pe bagi aha na adong di bagasan portibi on. Muda holong do rohamunu di portibi on, na so holong do rohamunu mida Ama i.

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.