LUKAS 16:20 - BIBEL JAMITA NA DENGGAN

²⁰ Adong muse sada halak na pogos si Lasarus goarna, na baro-baroon sap pamatangna i. Somal do ia dioban tu pintu ni bagas ni na kayo i,

LUKAS 16:20 ပူးပေါင်းရင်းမြစ်များ

JOB 2:7

Jadi kehe ma Sibolis sian jolo ni Tuhan, jana dipatubu ia ma baro sap sude pamatang ni si Job mamungka sian palampak ni patna i lalu tu ambubunia.

MASMUR 34:19

Halak na burju, manaon bahat na hancit, tapi dipalua Tuhan do ia sian i sudena.

MASMUR 73:14

Haru bia pe laing na ganop manyogot do au hona uhuman salolot arian laing na hona siksa do iba dibaen.

JESAYA 1:6

Sian ambubumu lalu tu palampak ni patmu umpe adong be pamatangmu na so hona nyae. Marlombaman sude pamatangmunu, marbosari jana mangkabugang. Nada dipaias sanga dibalut dope angka bugangmunu i. Nada muse diubati dohot miak.

JEREMIA 8:22

Hara ni aha do ulaning bangsongku lopus saonnari matua laing so marnamalum? Adong he di sude Gilead na so adong be pangubati dohot ubat?

MATEUS 26:71

lalu kehe ia tu horbangan ni alaman i. Jadi ro muse ma sada nari naposo dadaboru, diida ia ma si Petrus, gabe didok ia ma tu angka halak na disi i, “Dohot do bayo indon dongan ni Jesus na sian Nasaret i.”

LUKAS 16:19

“Adong ma sada halak na kayo na mamake pakean surto, jana na marsonang-sonang ganop ari.

LUKAS 16:21

anso tarbaen ia manggohi butuhana sian teba-teba ni panganon na mardabuan sian meja ni na kayo i. Ro muse ma anjing mandilati angka baronia i.

JOHANNES 11:1

Adong ma sada halak na marnyae, si Lasarus goarna. Di Betania do ia maringanan, i ma kota ni si Maria dohot si Marta na martinadohon i. (

BAENON NI ANGKA RASUL 3:2

Di pintu na margoar “Pintu Na Jeges”, adong ma sada bayo na pangpang hian sian mulai sorang. Ganop ari do bayo on dioban halak tusi mangido-ido sidoka tu angka jolma na marroan tu Bagas Ni Debata.

JAKOBUS 1:9

Sanga ise halak Kristen na pogos, jop ma rohania muda dipagincat Debata ia.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

1 SAMUEL 2:8

Sian abuan diangkat Ia halak na so mararta sian pardangolan halak na bile dipalua Ia. Dibaen Ia halahi dongan ni angka na mora-mora, jana dilehen muse juguhan na sangap. Debata do nampuna ojahan ni portibi on dipajongjong Ia di ginjangna tano on.