LUKAS 15:27 - BIBEL JAMITA NA DENGGAN

²⁷ Dialusi naposo i ma, ‘Madung mulak anggi ni tuan i, jadi disamboli simatobangmu do anak ni lombu na nipamokmok i, hara ni na dung dapot ia mangulahi horas anaknia i!’

LUKAS 15:27 ပူးပေါင်းရင်းမြစ်များ

MATEUS 22:4

Dung i disuru raja i ma angka naposonia na asing. Ditonai raja i ma halahi: ‘Paboa hamu ma tu angka na niontang i: Madung singkop horja ni anakki. Angka lombu jantan dohot angka pahan-pahanan na jumeges madung nisambolan. Madung rade sude. Ro be ma hamu tu horja parbagason i!’

LUKAS 15:26

Dipiohon ia ma sahalak naposona i manyapai, sanga aha na masa i.

LUKAS 15:28

I noma murukna anak siangkaan i, gabe nada ra ia masuk tu bagas. Jadi ruar ma simatobangnia i laho mangkatai dohot ia.

LUKAS 15:30

Anggo anakmi, madung diabiskon ia sude artami rap dohot angka dadaboru na so ture, hape disi mulak ia manigor disambol ho ma lombu na nipamokmok i disia.’

BAENON NI ANGKA RASUL 22:13

Ro ma ia mangaligi au, lalu jongjong ma ia di lambungku jana didok ia ma tu au, ‘Anggia Saulus, marnida ma ho mangulahi!’ ning ia. Laing hupadorgak ma bohingku manigor, jana huida ma ia.

BAENON NI ANGKA RASUL 9:17

Si Ananias pe antong kehe ma tu bagas i jana dipayakkon ia ma tangannia tu si Saulus. Didok ia ma, “Ale Saulus, kahanggingku, Tuhan Jesus na niidami di tonga dalan laho tuson ho, Ia do na marsuru au mandapotkon ho anso marnida ho mangulahi jana digohi Tondi Parbadia.”

PILEMON 1:16

Saonnari nada hum hatobanmu be ia; lobi sian i noma. Dongan haholongan noma ia hara ni Kristus. Marguna situtu do ia di au: Lumobi di ho, tontu marguna situtu do ia sanga pe songon jolma sanga pe songon kahanggi di bagasan Tuhan.

1 SAMUEL 28:24

Manigor diompoti anakboru i ma manyambol anak ni lombuna na dung dipamokmoknia, dibuat ia topung jana digudal-gudal ia ma i, lalu ditutung ia gabe roti na so marragi.