LUKAS 15:13 - BIBEL JAMITA NA DENGGAN

¹³ Nada sadia honok dung i, digadis sianggian i ma sude arta bagiannia i jana kehe ma ia tu sihadaoan, dioban ia ma sude hepengnia i. Disi ma ia marroha-roha mangabur-aburkon hepengnia i.

LUKAS 15:13 ပူးပေါင်းရင်းမြစ်များ

MASMUR 73:27

Na giot mago do sanga ise na manadingkon Ho, dipatimpas Ho do sanga ise na so setia tu Ho.

PODA 18:9

Sarupa do jahat ni halak na losok karejo, dohot halak na sai mambaen sego.

PODA 21:17

Halak na sai tagi marsonang-sonang sai matua marhahurangan, halak na sai giot marhorja-horja nada ra i gabe mamora.

PODA 21:20

Halak na marroha tongtong do sonang jana mamora; hape anggo halak na bodo diabiskon do hepeng na baru dijagitna.

PODA 27:8

Halak na manadingkon bagasna, tudos tu unggas na maninggalkon asarna.

PODA 28:7

Doli-doli na mangoloi uhum, i ma halak na marroha. Tapi halak na mardongan dohot halak na mermur, amangna do na dipailasa.

PODA 29:3

Sanga ise na manghalomohon bisuk, pasonang roha ni amangna. Sanga ise na mardongan dohot panggampang mermur hepengna.

PODA 6:26

Hepeng do na arga di dadaboru jalang tapi ngoluniba na arga i giot buaton ni dadaboru ni halak na asing.

JESAYA 1:4

Marjaya ma hamu bangso pardosa, angka halak na so ture jana na jahat pomparan ni angka parjahat, angka dakdanak na marparange na jat! Ditulak jana ditinggalkon halahi do Tuhan Na Sun Badia i, Debata ni Israel, jana manghudukkon Ia.

JESAYA 22:13

Hape suhar-suhar ni i, marmoga-moga jana marpestai hamu. Mangan juhut ni biri-biri hamu dohot lombu jana minum anggur lalu pio-pio, “Tole ma da mangan minum hita, angke laing na mate ma hita ancogot!”

JESAYA 30:11

Kehe ma ho mandao, jana ulang be ambati hami. Nada ringkot rohanami umbege salaho tu Debata Na Badia ni Israel i.”

JESAYA 56:12

“Tole, minum anggur ma hita, jana tagogoi be ma na minum on! Tumabo dope ancogot ulang pado sadari on!”

JEREMIA 2:13

Harana madung dua noli bangsongKu mambaen na jat: Ditadingkon halahi do Au, aek hangoluan, jana dihuar halahi tobat na lilis na so bisa manahan aek.”

JEREMIA 2:31

O hamu Israel, tangihon ma angka hatangKon. Unjung ma he Au songon padang halongonan maradopkon hamu, sanga songon tano na golap bulita jana na gok parmaraan? Hape biasi didok hamu sai na giot bebas hamu, jana nada ra be mulak mangulahi tu Au?

JEREMIA 2:5

Didok Tuhan, “Hasalaan dia do na dumpang ompumunu di Au, umbaen pola mandao halahi sian Au? Disomba halahi do patung na so marguna na mambaen halahi gabe so marguna?

MIKA 6:3

“Ale bangsongKu aha dehe na Hubaen tu hamu? Di pangalaho na dia do Hususai hamu? Alusi ma Au!

LUKAS 15:12

Didok sianggian i ma tu amangna, ‘Lehen ma tu au saonnari da amang bagianku sian artanta i.’ Gabe dibagi amangna i ma arta i tu anakna na dua i.

LUKAS 15:14

Dung abis sude hepengnia i, masa ma haleon potir di luat i, gabe mamungka ma ia marhancit.

LUKAS 15:30

Anggo anakmi, madung diabiskon ia sude artami rap dohot angka dadaboru na so ture, hape disi mulak ia manigor disambol ho ma lombu na nipamokmok i disia.’

LUKAS 16:1

Dung i didokkon Jesus ma tu angka siseanNia i, “Adong ma sada halak na kayo, na marbendahara. Jadi adong ma na paboahon tusia, bahaso na marroha-roha do bendahara i laho pangabiskon artonia.

LUKAS 16:19

“Adong ma sada halak na kayo na mamake pakean surto, jana na marsonang-sonang ganop ari.

EPESUS 2:13

Hape anggo saonnari, hara ni na dung mardomu hamu dohot Kristus Jesus, na dao hian hamu najolo, madung dipasolkot hamatean ni Kristus i.

EPESUS 2:17

Jadi madung ro Ia manjamitahon hasonangan markite-hite, Jamita Na Denggan i di hamu angka na dao, dohot di angka na donok.

2 PETRUS 2:13

Songon balos ni pambaenan ni halahi na jahat i, angkon mardangol ma halahi. Anggo pangalaho na pasonangkon roha ni halahi, i ma na mambaen sanga aha sajo di arian na papuaskon hagiot ni pamatang ni halahi. Muda juguk halahi rap dohot dongan di parpestaan, gabe jatjat do goar ni dongan baenon ni halahi jana marlayas, angke mabuk do halahi di sude parange ni halahi na so denggan.