LUKAS 13:19 - BIBEL JAMITA NA DENGGAN

¹⁹ Songon batu ni sabi do i na nibuat ni sada halak jana disuan ia di ladangnia. Jadi tubu ma i gabe hayu na godang, dung i ro ma angka pidong marasar di ginjang ni dangkana i.”

LUKAS 13:19 ပူးပေါင်းရင်းမြစ်များ

ENDE NA GODANG 4:12

Anggi, tunanganku, songon sada kobun na buni do ho; kobun na martembok, dohot mata aek di bagasan.

ENDE NA GODANG 4:16

Ngot ma ho, ale alogo Selatan dohot ho alogo sian Utara, mangombus ma di kobunku anso manguap huskusna i. Piohon ma haholonganki tu kobunnia i, laho mandai tabo ni angka parbatu ni hayu na nipili.

ENDE NA GODANG 6:2

Na kehe tu kobunna do haholonganki, di kobun parmasak do marmahani biri-biri dohot mamutiki angka bunga bakung.

ENDE NA GODANG 8:13

O hasianku, na juguk di kobun, ligi ma au on rap dohot angka donganku. Por rohanami laho umbege soramu, hasian.

JESAYA 53:1

“Ise ma porsaya tu barita na hami bege? Tu ise ma na dung dipataridahon kuaso ni Tuhan na gok sahala?

JESAYA 53:10

Tapi hagiot ni Tuhan do manaon na hancit ia, jana mate songon haul panyesa ni dosa. Idaonnia do pomparannia jana ginjang umurnia tulus ma hagiot ni Tuhan markite-hite ia.

JESAYA 58:11

Sai na toguon ni Tuhan do hamu jana angkon pasombuonNa rohamunu di tano na gariang. Sai parata-rataonNa do gogomunu anso tongtong horas torkis hamu. Gabe songon kobun ma hamu na tuk aekna, sanga mualna nada jungada mate.

JESAYA 61:11

Songon same na nisabur tubu ma i jana gabe suan-suanan, songon i ma Tuhan Debata paluahon bangsoNia jana sandok bangso ma giot mamuji Ia.”

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

JEREMIA 31:12

Marroan ma halahi tu Dolok Sion jana marende disi marjop ni roha, hara ni sude na Hulehen tu halahi: gandum, miak, anggur dohot biri-biri. Tudos ma halahi tu kobun na tuk aekna, jana na so hurangan di bagi aha.

JEHESKIEL 31:6

Marasari angka unggas na marrupa-rupa di rantingna. Binatang harangan mamopari di toruna. Sude bangso na godang na adong di portibi on marjugukan marsilaung di toruna.

DANIEL 4:12

Mangarata angka bulungna i, batuna pe ramos sajo, jabat tuk baen panganon ni jolma na satano on. Marmodoman angka binatang harangan di toruna i jana angka unggas pe marasari do di angka dangkana i. Jana sandok na mangolu dapotan sipanganon do sian ia.

DANIEL 4:21

Mangarata angka bulungna jana batuna pe ramos jabat tuk mangalehen panganon ni sude jolma na satano on. Marsilaung di toruna angka binatang harangan jana angka unggas pe marasari di dangka-dangkana i.

ZAKARIA 2:11

Marroan ma di hatiha i bahat angka bangso tu Tuhan anso gabe bangsoNia. Maringanan ma Ia di tonga-tongamunu, jana gabe botoonmunu ma na dung disuru Tuhan au tu hamu.

MATEUS 17:20

Dialusi Jesus ma, “Angke hurang porsaya hamu. Ingot hamu ma! Sugari sagodang ni batu ni sabi pe adong haporsayaanmunu, tardok hamu do tu dolok on, ‘Morot ma ho sian on tu sadu!’ angkon pinda do dolok i. Jana nada adong sanga aha pe na so tarpatupa hamu! [

MARKUS 4:30

“Tar tu aha ma antong umpamahononta Harajaan Ni Debata?” ninna Jesus manyapai halahi. “Aha ma tabaen tiruan laho patorangkonsa?

LUKAS 17:6

Dialusi Tuhan i ma, “Muda adong haporsayaanmunu sagodang ni batu ni sabi, tardok hamu ma tu bona ni gala-gala on, ‘Mumpat ma ho jana di laut ma panyuananmu,’ musti angkon mangoloi hayu i tu parentamunu.”

BAENON NI ANGKA RASUL 2:41

Bahat do halak na porsaya tu na nidok ni si Petrus i, jana tardidi ma halahi. Gabe martamba ma bilangan ni na porsaya di na sadari i, tolu ribu halak.

BAENON NI ANGKA RASUL 21:20

Dung dibege halahi na nipajojor ni si Paulus i, gabe sude ma halahi mamuji Debata. Dung i didok halahi ma tu si Paulus, “Dongannami si Paulus! Angkon botoonmu do na dung marribu-ribu do halak Jahudi na porsaya. Burju-burju do halahi sudena mangoloi Tona i.

BAENON NI ANGKA RASUL 4:4

Tapi anggo angka na dung umbege pangajaran ni angka rasul i, bahat do na porsaya. Gabe martamba ma bilangan ni halahi jabat adong hira-hira lima ribu halak.

SURAT NI SI PAULUS TU PARLAGUTAN ROM 15:19

na nidonganan ni angka tanda hahomangan na sian gogo ni Tondi Parbadia do sudena i. Madung sudena hubaritahon Jamita Na Denggan sian Kristus i tu angka jolma, mamungka sian Jerusalem lopus tu Ilirikum.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”