LUKAS 12:58 - BIBEL JAMITA NA DENGGAN

⁵⁸ Muda adong halak na mangaduhon hamu jana maroban hamu tu pangadilan, usahahon hamu ma da manyalosehon parkaro i dohot ia taran di tonga dalan hamu. Anggo inda songon i, saratonnia ma hamu tu jolo ni panguhum jana pasahatonnia ma hamu tu bagasan hurungan.

LUKAS 12:58 ပူးပေါင်းရင်းမြစ်များ

JOB 22:21

Antong ale Job, mardame ma da ho dohot Tuhan, anso laing dumpangan ho di hasonangan. Muda dipatulus ho i, pasti dapot ho ma parlaboan.

JOB 23:7

Nada au marsala jana tarbela au do diringku di joloNia, lalu dokkononNia ma anso malua iba salolot-lolotna.

MASMUR 32:6

Hara ni i, patut do angkon martangiang tu Ho sude na burju marroha dompak adong dope tinggi giot marsuo dohot Ho. Jadi muda ro pe hasusaan mangalantap, nada jabat hona be halahi.

MASMUR 50:22

Parate-atehon jana ingot hamu ma, hamu angka na dung lupa tu Debata, jago ma hamu anso ulang jabat hona pusa, jana nada adong be na mambaen malua.

JESAYA 55:6

Jalahi ma Tuhan dompak tarbaen dope dapot, pio hamu ma Ia salolot laing donok dope Ia.

MATEUS 18:30

Tapi inda diterge ia pangidoan ni dongannia i. Dipahurungkon ia muse dope dongannia i lopus digarar ia sude utangna i.

2 KORINTUS 6:2

Didok Debata do di Buku Na Badia i, “Di hatiha na nipatumbuk, madung Hutangihon pio-piomu, jana di ari haluaan madung Huurupi ho.” Tangkas ingot hamu! Saonnari ma hatiha na nipatumbuk i. Saonnari ma arina, ari haluaan.

1 PETRUS 3:19

Di pangalaho na songon i ma Ia kehe paboahon jamita na sian Debata tu angka tondi na hona hurung:

2 PETRUS 1:15

Jana angkon husitutui noma markarejo anso laing adong dalan di hamu marningot angka i mangulahi muda dung jumolo au.

JUDAS 1:3

Angka dongan na nihaholongan! Tutu situtu do ringgas do rohangku mambaen surat on tu hamu taringot tu haluaan na dung tadalani i. Tapi saonnari taronjar do rohangku paingot hamu markite-hite surat on anso laing torus hamu marjuang hara ni haporsayaan i na nilehen tu angka halak na badia.

HALUMBAAN 20:7

Dung salpu hatiha sisaribu taon i, paluaon ma Sibolis i sian hurunganna i,