LUKAS 11:42 - BIBEL JAMITA NA DENGGAN

⁴² Marjaya ma hamu angka halak Parise, dibaen dilehen hamu do parsampuluan sian angka suan-suanan na menek, inggu dohot ragam-ragaman ni simarata, tapi dilaosi hamu do tona dohot holong ni roha ni Debata. Angkon sikarejohonon do i, tapi ulang nitinggalkon na asing i.

LUKAS 11:42 ပူးပေါင်းရင်းမြစ်များ

NEHEMIA 10:37

Obanonnami ma tu angka malim di Bagas Ni Tuhan adonan na sian gandum na parjolo disabi ganop taon, songon i muse angka haul na asing songon anggur, miak zetun dohot ragam-ragam ni parbatu ni suan-suanan. Obanonnami ma haul parsampuluan sian suha ni ladangnami tu angka halak Levi na palagut angka haul parsampuluan di hutanami be.

PODA 21:3

Sumonang do roha ni Tuhan mida hatigoran dohot hatutuan ni pambaenanmu, ulang pado sasude na nihaulkonmu.

PARJAMITA 7:18

Pasiding ma parkotian godang ni na dua i. Muda nihabiaran Debata, angkon malua do hita.

MIKA 6:8

Nada! Madung dipaboa Tuhan tu hita sanga aha na denggan. Anggo na nipangido ni rohaNia sian hita, i ma anso tigor pambaenanta, tadalankon ma holong ni roha, jana mangoku di bagasan toruk ni roha di jolo ni Debatanta.

MALEAKI 1:6

Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’

MALEAKI 2:17

Susa do Tuhan dibaen angka hata-hatamunu. Tapi didok hamunu do, “Bia ma he hami baen pasusahon Ia?” I ma na niambangmunu: “Ganop halak na mambaen hajahatan denggan do i di mata ni Tuhan; tu halak si songon i ma jop ni rohaNia sanga muda nada, di dia ma he Debata na manguhumi i?”

MALEAKI 3:8

Tola ma he jolma paoto-otohon Debata? Tapi dipaoto-oto hamu do Au. Tapi didok hamu do, ‘Dohot dalan dia ma he hami paoto-otohon Ho?’ Taringot tu haul parsampuluan dohot haul na sumurung.

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [

MATEUS 23:23

Marjaya ma hamu angka Siboto Surat dohot angka Parise! Pangalancap do hamu! Dilehen hamu do parpuluan ni pulungan ni bulung-bulung ni parmasak dohot silalat dohot jintan tu Tuhan. Hape anggo angka pangalaho na ummarga sian angka tona i, umpamana rupani: Hatigoran, asi ni roha, haburjuon, nada diterge hamu be. Angkon i do nian parjolo baenonmunu so pola mangkalupahon na asing-asing i muse.

MATEUS 23:27

Marjaya ma hamu angka Siboto Surat dohot angka Parise! Pangalancap do hamu! Songon kuburan na nikapur do hamu. Jeges idaon sian duru hape holi-holi ni jolma na marbusuhan do gok di bagasan.

LUKAS 18:12

Puaso do au dua noli di bagasan saminggu, jana hulehen do saparsampulu sian pangomoanku.’

JOHANNES 5:42

Hutanda do hamu. Huboto do na so dihaholongi hamu Debata di bagasan rohamunu.

1 JOHANNES 4:20

Muda adong na mandok, “Huhaholongi do Debata,” hape hosom rohania mida dongannia, pargabus do halak na songon i. Angke sanga ise na so mangkaholongi dongan na bolas idaonnia, nada tarbaen ia be mangkaholongi Debata na so jungada diida ia.

1 SAMUEL 15:22

Tapi didok si Samuel ma, “Dia do na jumop roha ni Tuhan, pangoloion tu Tuhan do ulang pado na manghaulkon haul? Marpangoloion tu Tuhan, dumenggan do i sian na manghaulkon haul. Dumenggan do i sian tabo-tabo ni biri-biri.