LUKAS 11:31 - BIBEL JAMITA NA DENGGAN

³¹ Saulahon di na manguhumi tano on Debata, jongjong ma ratu na sian Selatan pajojorkon hasalaan ni angka jolma sisaonnari on; angke na ro do ia sian suhi ni tano on manangihon hapistaran ni si Salomo. Ligi ma, adong do dison na gumodang ulang pado si Salomo!

LUKAS 11:31 ပူးပေါင်းရင်းမြစ်များ

2 JUJUR TAON 9:1

Tarbege ma tu Ratu ni tano Seba taringot tu hagodangan ni si Salomo. Jadi gabe ro ma ia tu Jerusalem laho manguji si Salomo dohot sapa-sapa na maol-maol. Bahat do angka na mangudurkon ia di na ro i, songon i unto na sorat marboban angka parmasak, batu intan, dohot sere bahat sajo. Dung marsuo dohot si Salomo, dibaen ia ma angka sapa-sapa na dapot dipikiri ia.

JESAYA 54:17

Tapi anggo sinjata na dipaadop tu ho, nada margogo i mamugangi ho. Jana tu sude tuduan, hata ro do di ho hata alusan. Huampini angka naposongKi anso sai monang.” Songon i ma pandok ni Tuhan.

JEREMIA 3:11

Dung i muse dipaboa Tuhan ma tu au, haru pe na dung dihudukkon Israel Ia, hape dumenggan dope Israel ulang pado Juda na so setia i.

MATEUS 12:42

Saulahon di Ari Paruhuman i, jongjong do raja dadaboru na sian Selatan i adop bangso on, mandabu uhuman tu halahi. Harana, songon i ma daona na mardalan i ia, ma pola sian ujung ni tano on, laho manangihon pangajaran ni si Salomo na bisuk i sajo do. Hape gumodang dope na dison i sian si Salomo!”

LUKAS 3:22

jadi mijur ma Tondi Parbadia tuSia songon darapati. Dung i tarbege ma sora sian banua ginjang na mandok, “Ho do Anak haholonganKu. Jop do rohangKu mida Ho.”

LUKAS 9:35

Dung i tarbege ma sian ombun i sada sora na mandok, “On ma AnakKu na Hutodo i. Tangihon ma Ia!”

SURAT NI SI PAULUS TU PARLAGUTAN ROM 2:27

Jana salahonon ni angka na so marsunat humani i ma hamu halak Jahudi, angke haru pe adong tarsurat aturan di hamu jana marsunat do hamu, hape dilanggar hamu do aturan i. Anggo halahi nada nisunat, hape halahi do na mangoloi aturan i.

IBRANI 11:7

Hara ni na porsaya, gabe dijagit si Noak do barita na nilehen ni Debata tusia taringot tu angka na giot masa muse, na so haidaan dope tanda-tandana. Laing hara ni i muse ma, gabe dioloi si Noak Debata, gabe dipauli ia sada parau na paluahon ia muse rap dohot pangisi ni bagasnia. Jadi gabe dipasala ma portibi on, hape anggo si Noak sandiri didok Debata ma gabe halak na burju hara ni haporsayaannia.