LUKAS 11:22 - BIBEL JAMITA NA DENGGAN

²² Tapi muda adong sada halak na gumogo sian ia jana manaluhon ia, buatonnia ma sandok sinjata na dipakenia i, jana bagi-bagionna ma sude tabanna i.

LUKAS 11:22 ပူးပေါင်းရင်းမြစ်များ

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

HARURUAR 15:9

Ninna musu, ‘Ayakonku ma halahi anso hutangkup jana hubuat por ni rohangku. Sintahonku ma podangku jana hurampas ma sude arta ni halahi, hubagi-bagi jana di au ma i lopus sombu rohangku.’

JESAYA 27:1

Pakeon ni Tuhan ma podangNia na togu jana na tajom i laho manguhumi Lewiatan, ulok na margeldok-geldok jana na mangarpe i dohot mamunu naga laut i.

JESAYA 53:12

Hara ni i lehenonKu ma tusia angka na sangap songon rampasan dohot angka na togos songon tabanan, i ma gonti ni na dung dilehen ia hosana tu hamatean dohot hara ni na dietong ia parjahat, haru pe ia do mananggung dosa ni halak na bahat, jana martangiang tu parjahat i.

LUKAS 11:21

Muda dijagoi sada halak na gogo na singkop sinjatana do bagasnia sandiri, nada mahua sinadongannia i.

LUKAS 11:23

Sanga ise na so mandongani Au, alongKu do i, jana sanga ise na so rap dohot Au palagutkon na paserakkon do i.”

EPESUS 6:11

Pake hamu ma sude sinjata na nilehen ni Debata tu hamu, anso tarbaen hamu martahan mangalo angka dalan na buni na sian Sibolis i.

EPESUS 6:13

Hara ni i, saonnari pake hamu ma sasudena sinjata na sian Debata anso muda dapot hatihana ro na jahat i, margogo ma hamu mangalo angka serangan ni musu i. Jana anso lopus tu ujungna dung sidung parjuangan i, laing horas torkis hamu.

KOLOSSE 2:15

Sude angka tondi na mamarenta dohot na markuaso gabe gale noma di parsilang ni Kristus i. Gabe sitontonan ni halak na bahat noma halahi dibaen, di na niiring ni Kristus halahi songon halak na tartaban di uduran ni hamonanganNia.

1 JOHANNES 3:8

Tapi sanga ise halak na sai torus mambaen dosa, anak ni Sibolis do i, angke na sai mardosa do Sibolis i sian mula ni mulana. Na giot manyegohon karejo ni Sibolis i do umbaen na ro Anak Ni Debata tu portibi on.

1 JOHANNES 4:4

Tapi ale dakdanakku, anggo hamu dakdanak ni Debata do. Madung ditaluhon hamu angka panurirang pargabus i, angke gumogoan dope Tondi na adong di hamu sian tondi na adong di angka jolma na ro sian portibi on.