LUKAS 10:31 - BIBEL JAMITA NA DENGGAN

³¹ Jadi topet ma mamolus sada halak malim disi. Dung diida malim i bayo i, manopi-nopi ma ia jana dilaosi ia.

LUKAS 10:31 ပူးပေါင်းရင်းမြစ်များ

2 SAMUEL 1:6

Dialusi ia ma, “Topet do au di Dolok Gilboa, jadi huida ma si Saul sande di tombaknia, hape angka kareta dohot tentara ni musu na markudo ma mur donok manghobuk ia.

MASMUR 142:4

Manatap au tu siamun dohot tu siambirang, umpe rumang adong huida bantuan. Nada adong na mangondingi au, sanga nada adong na parduli tu au.

MASMUR 69:20

Magopu pangkilalaanku hara ni tilako malu-malu, gabe putus asa noma au. Sai hujalahi do halak na maribo ni roha nian hape so adong, hulului pangapoi, hape magopo do.

PODA 21:13

Sanga ise na so ra manangihon holos ni halak na hurangan, nada diparrohahon be ia sandiri muda mangido partolongan.

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

JESAYA 58:7

Bagi hamu ma panganonmunu tu halak na malean jana jagit hamu ma masuk tu bagasmu angka halak na mompas-ompas. Muda diida hamu halak na marsaemara lehen hamu pakean tu halahi, jana ulang tulak hamu sisolkotmu na manghaporluhon pangurupionmu.

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

HOSEA 5:1

Didok Tuhan ma, “Tangihon hamu ma ale angka malim! Parrohahon ma ale halak Israel! Bege ma, ale hamu angka jolma pomparan ni raja! Madung didabu uhum tu hamu. Angke, sapatutna nian angkon tigor do hamu manguhumi, hape balikna i do gabe tudos tu jorgong do hamu di Mispa, songon jorat di Dolok Tabor,

HOSEA 6:9

Songon punguan ni panyamun na mangambat halak pamolus do angka malim na di kota i. Salang di dalan laho tu inganan na badia di Sikem pe puluk do halahi mamunu jolma! Disangajo halahi do mambaen hajahatan i sude.

MALEAKI 1:10

Didok Tuhan Na Markuaso i ma, “Sugari adong ma nian sian tonga-tongamunu, na giot manutup pintu, anso unang dipagara hamu api di langgatanKu di bagasan na so marguna. Nada jop rohangKu tu hamu, ninna Tuhan Na Markuaso jana nada jagitonKu haul sian tanganmu.

LUKAS 10:30

Dialusi Jesus ma, “Adong ma sada bayo manuat sian Jerusalem tu Jeriko. Di tongan dalan ro ma panyamun manangkup ia. Dipupusi panyamun i ma ia, dibalbali lopus giot mate, dung i ditinggalkon ma ia songon i sajo.

LUKAS 10:32

Songon i muse ma sada halak Levi. Mamolus muse ma ia sian i jana diida ia do bayo na tarsamun i. Laing dilaosi ia muse do bayo i, dibolus ia sian ipar ni dalan i.

RUT 2:3

Jadi kehe ma si Rut manjomputi burir-burir na nipardekdekkon ni angka na markarejo di ladang i. Topet muse ma ia kehe tu ladang ni si Boas.