LUKAS 1:66 - BIBEL JAMITA NA DENGGAN

⁶⁶ Sude halak na umbege pangalaho i mamungka ma marpikir-pikir jana sapa-sapa di bagasan rohana, “Gabe aha ma ulaning dakdanak on saulahon?” Angke tangkas do kuaso ni Tuhan adong disia.

LUKAS 1:66 ပူးပေါင်းရင်းမြစ်များ

PAMUNGKAAN 37:11

Goyak ma roha ni angka angkangna i mida si Josep, tapi anggo amangna i laing marpikir-pikir do taringot tu nipi i.

PAMUNGKAAN 39:2

Didongani Tuhan do si Josep, gabe sai manjadi do sude karejonia. Di bagas ni tuannia i do ia tinggal, i ma halak Mesir i.

1 RAJA-RAJA 18:46

Mandapot gogo ma si Elia di ombas i sian Tuhan. Dilompit ia ma baju jubania i tu ginjang jana ditambat ia ma tu gontingnia, jadi dilojong ia ma manjoloi si Ahab sapanjang dalan i lopus lalu tu horbangan ni Jesreel.

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

MASMUR 80:17

Ondihon ma sanga ise na dung nitodoMu, anak ni jolma na nipahotMu baen di Ho.

MASMUR 89:21

Sai tongtong do ia ondihonon ni hagogoonKu sai pargogoan ni kuasongKu do ia.

LUKAS 1:80

Mur magodang ma anak ni si Zakaria i, tondinia pe mur margogo. Di halongonan do ia tinggal lopus dapot hatihana laho patidahon diri ia tu bangso Israel.

LUKAS 2:19

Tapi anggo si Maria disimpan ia ma sudena i di bagasan rohania mamikirkon sanga aha arti ni sudena i.

LUKAS 2:40

Mur magodang ma Dakdanak i, jana mur gogo, gok hapistaran, asa didongani asi ni roha ni Debata do Ia.

LUKAS 2:51

Dung i mulak ma Jesus rap dohot halahi tu Nasaret, mangoloi tu halahi. Sudena i disimpan inangNa i ma di bagasan rohania.

LUKAS 9:44

“Tangkas ma parrohahon hamu na Hudok on: Pasahaton ma Anak Ni Jolma i tu kuaso ni jolma.”

BAENON NI ANGKA RASUL 11:21

Jadi didongani tangan ni Tuhan do halahi mambaen bahat halak gabe porsaya jana pasahatkon dirina tu Tuhan.

KOLOSSE 1:5

Hara ni angka na niarop ni rohamunu tu na niparade ni Debata di hamu di banua ginjang i, gabe porsaya jana marholong ni roha do hamu. Madung dibege hamu taringot tusi di na nipasahat tu hamu hatatangkas ni barita taringot tu Jamita Na Denggan i na sian Debata.

1 SAMUEL 16:18

Umbege i, didok sada halak hatobannia i ma, “Adong do anak ni si Isai na sian kota Betlehem na malo marmusik. Na barani do i jana sada parangan na burju. Boti muse na togap jana na malo mandok hata, jana didongani Tuhan do ia.”

1 SAMUEL 2:18

Anggo si Samuel anak ni si Hanna i, dipupu ia do mangoloi Tuhan. Mamake baju efod do ia na dibaen sian abit linen, songon baju parkobas ni angka malim.