LUKAS 1:41 - BIBEL JAMITA NA DENGGAN

⁴¹ Disi dibege si Elisabet hata horas-horas ni si Maria i, manggulot ma manigor dakdanak na di bagasan pamatangnia i. Gabe digohi Tondi Parbadia ma si Elisabet.

LUKAS 1:41 ပူးပေါင်းရင်းမြစ်များ

PAMUNGKAAN 25:22

Linduat do na di pamatangnia i. Jadi dompak so sorang dope dakdanak i, marsiranggut do halahi na dua di bortian. Ninna si Ribka ma, “Muda songon i, biasi luai mangolu au?” Jadi diparsapahon ia ma i tu Tuhan.

MASMUR 22:10

Sian na menek di tanganMu do bagianku, sian di bortian ni dainang dope au, laing Ho do Debatangku.

LUKAS 1:15

Gabe halak na godang do dakdanak i mangihutkon parnidaan ni Tuhan. Nada tola ia minum anggur, sanga siinumon na koras. Mamungka di bortian dope ia, Tondi Parbadia do mangarajai ia.

LUKAS 1:40

Kehe ma ia tu bagas ni si Zakaria. Di na masuk ia tu bagas i ditabi ia ma si Elisabet.

LUKAS 1:42

Dung i mangkuling ma ia marhite sora na gogo, “Dipasupasu do ho sian sude dadaboru jana dipasupasu muse ma parbatu ni butuhamu.

LUKAS 1:44

Disi hubege nangkin hata horas-horas na nidokmi, manigor manggulot ma dakdanak na di bagasan pamatangku hara ni mogana.

LUKAS 1:67

Digohi Tondi Parbadia ma si Zakaria amang ni dakdanak i gabe dipaboa ia ma tona ni Tuhan. Ning ia ma,

LUKAS 4:1

Digohi Tondi Parbadia ma Jesus di na mulak Ia sian Batang aek Jordan. Dioban Tondi i ma Ia tu halongonan.

BAENON NI ANGKA RASUL 2:4

Jadi digohi Tondi Parbadia ma halahi sude jana mamungka ma halahi mangkatai di hata na asing na marragam-ragam. Mangkatai ma halahi hombar tu hata na nilehen ni Tondi i dokkonon ni halahi.

BAENON NI ANGKA RASUL 4:8

Dialusi si Petrus na nigohan ni Tondi Parbadia i ma, “Hamu angka tuan pamimpin ni bangso on, dohot angka hatobangon!

BAENON NI ANGKA RASUL 6:3

Hara ni i, hamu ale angka dongan, pili hamu ma sian tonga-tongamunu sandiri pitu halak na tangkas burju jana na nigohan ni Tondi boti na bisuk, anso hami pabangkit halahi tu karejo na songon i.

BAENON NI ANGKA RASUL 7:55

Tapi ditatap si Stefanus na nigohan ni Tondi Parbadia i ma tu langit. Diida ia ma hasangapan ni Debata dohot Jesus na jongjong di siamun ni Debata.

BAENON NI ANGKA RASUL 9:17

Si Ananias pe antong kehe ma tu bagas i jana dipayakkon ia ma tangannia tu si Saulus. Didok ia ma, “Ale Saulus, kahanggingku, Tuhan Jesus na niidami di tonga dalan laho tuson ho, Ia do na marsuru au mandapotkon ho anso marnida ho mangulahi jana digohi Tondi Parbadia.”

EPESUS 5:18

Ulang mabuk hamu dibaen anggur, harana mambaen sego do i tu hamu. Tapi gumonan ma gok Tondi Parbadia hamu.

HALUMBAAN 1:10

Di ari ni Tuhan i, digohi Tondi Parbadia do au, dung i hubege ma sada sora na gogo – songon sora ni sarune – mandok hata sian pudingku.