LUKAS 1:36 - BIBEL JAMITA NA DENGGAN

³⁶ Jana parate-atehon ma on: Si Elisabet edami pe madung pola onom bulan denggan pamatangnia haru pe didok halak ia na so maruntungan boti umurnia pe madung ginjang.

LUKAS 1:36 ပူးပေါင်းရင်းမြစ်များ

PAMUNGKAAN 11:30

Tapi nada maruntungan si Sarai.

PAMUNGKAAN 16:1

Laing so maruntungan dope anggo si Sarai, dongan saripe ni si Abram i. Tapi adong do sahalak hatobannia halak Mesir, bujing-bujing dope na margoar si Hagar.

PAMUNGKAAN 18:11

Madung tobang sajo si Abraham dohot si Sara jana si Sara pe madung manyampul.

PAMUNGKAAN 21:2

Di hatiha na dung ditontuhon ni Debata hian tu si Abraham, dung matobang si Abraham, denggan ma pamatang ni si Sara, jana sorang ma sada anaknia.

2 RAJA-RAJA 4:17

Tapi tutu do na nidok ni si Elisa i. Di taon na mangihut, hira-hira di hatiha na sarupa, sorang ma sada anak ni dadaboru i halaklahi.

PARJAMITA 3:2

Adong do hatihana tubu, dohot hatihana mate, adong do hatihana manyuan, dohot hatihana mambuat suha.

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

LUKAS 1:37

Angke nada adong na so tarpatupa anggo di Debata.”

LUKAS 1:5

Hatiha si Herodes gabe raja di Luat Judea, adong ma sada malim na margoar si Zakaria. Masuk tu horong ni Malim Abia do ia. Dadaborunia margoar si Elisabet, laing sian pomparan ni malim muse.

IBRANI 11:11

Hara ni na porsaya, gabe maruli pomparan si Abraham dohot si Sara, haru pe na dung matobangtu si Abraham boti si Sara pe na so maruntungan. Pos do roha ni si Abraham laing na gohan ni Debata do janjiNia.