LUKAS 1:25 - BIBEL JAMITA NA DENGGAN

²⁵ Didok ia ma, “Ujungna hape ditolong Tuhan do au jana dibuat Ia habileanku.”

LUKAS 1:25 ပူးပေါင်းရင်းမြစ်များ

PAMUNGKAAN 25:21

Dibaen nada maruntungan si Ribka, martangiang ma si Ishak tu Tuhan salaho tu dongan saripenia i. Jana dipatalus Tuhan do tangiang ni si Ishak i, jana denggan ma pamatang ni si Ribka.

2 SAMUEL 6:23

Nada mardakdanak anggo si Mikal boru ni si Saul i salolot ngolunia.

JESAYA 25:8

AbiskononNia ma hamatean ro di salolot-lolotna! Apusan ni Tuhan Debata ma ilu-ilu sian ganop mata, jana padaoonNa habilean na nitanggung ni halakNia di sude portibi on. Madung didok Tuhan i songon i, angkon tulus do i tarjadi.

JESAYA 4:1

Muda dung dapot hatiha i, tiopon ni pitu halak dadaboru ma sada halaklahi jana dokkonon ni halahi ma, “Isinkon ma da hami mandok ho na mambuat hami anso ulang jabat maila hami hara ni na so jungada marbagas. Anggo panganon dohot pakean, hami sandiri pe da mananggungsa.”

LUKAS 1:13

Tapi ninna surusuruan i ma tusia, “Ulang ho mabiar Zakaria! Madung dijagit Debata tangiangmi. Sorang ma sada anakmu sian dadaborumu si Elisabet. Angkon si Johannes do goarna baenonmu.

LUKAS 1:24

Inda sadia honok nari, denggan ma pamatang ni si Elisabet dadaborunia i. Sai di bagas ma ia lima bulan honokna.

IBRANI 11:11

Hara ni na porsaya, gabe maruli pomparan si Abraham dohot si Sara, haru pe na dung matobangtu si Abraham boti si Sara pe na so maruntungan. Pos do roha ni si Abraham laing na gohan ni Debata do janjiNia.

HAKIM-HAKIM 11:37

“Hum on,” ninna bujing-bujing i, “sada na hupangidohon: Loas ma au di bagasan dua bulan on kehe tu dolok rap dohot angka dongan-donganku. Disi ma tangisanku bagianku, angke mate ma au dompak di sihabujingonku.”

1 SAMUEL 1:6

Sai na dipahancit ni si Penina do roha ni si Hanna jana diincahi ia imbangnia i hara ni na so dilehen Tuhan anak disia.