LUKAS 1:21 - BIBEL JAMITA NA DENGGAN

²¹ Jadi laing tarpainte-inte ma halak i di si Zakaria. Homang ma halahi biasi songon i honokna ia di bagasan Bagas Ni Debata.

LUKAS 1:21 ပူးပေါင်းရင်းမြစ်များ

MATEUS 27:5

Gabe disampakkon ia ma hepeng perak i tu Bagas Ni Debata, dung i kehe ma ia manyingkot.

MATEUS 8:10

Dung dibege Jesus hata ni tentara na pangkat i, homang ma rohaNia. Gabe didok Ia ma tu halahi na mangihutkon Ia, “Tangihon hamu ma jolo! Nada unjung dope Au marsuo dohot haporsayaan na songon on godangna di tonga-tonga ni halak Israel.

LUKAS 1:20

Sude na hudokkon on, pasti do angkon tarjadi muda dung dapot hatihana songon na dung ditontuhon Debata. Tapi hara ni na so porsaya ho, nada tarbaen ho be annon mangkatai. Torus noma ho ngungu lopus tu hatihana tulus sude na hupaboa i.”

LUKAS 1:22

Jadi ujungna di na ruar ia, nada malo be ia mangkobari tu halahi. Dohot tangannia sajo noma ia mambaen tanda-tanda, jana laing ngungu. Gabe tarboto ma tu angka halahi na niidania do sanga aha parnidaan di bagasan Bagas Ni Debata.