JUNUS 4:9 - BIBEL JAMITA NA DENGGAN

⁹ Tapi didok Debata ma tusia, “Nada didalanna gabe songon i arsakmu hara ni suan-suanan i!” Didok si Junus ma mangalusi, “Biasi nada? Dalanna ma da au muruk sajo lopus mate.”

JUNUS 4:9 ပူးပေါင်းရင်းမြစ်များ

1 RAJA-RAJA 21:4

Mardongan arsak, dohot muruk hara ni hata na nidok ni si Nabot i tusia, mulak ma si Ahab lalu modom ma ia di podomannia manjorbing adop dingding i jana nada ra ia mangan.

JOB 18:4

Hum na mamparhanciti dirimu do hamumurukmi. Angkon mago ma he pangisi ni portibi hara ni ho dipasari-sari, jana angka dolok pindahonon sian ingananna i?

JOB 36:18

Jamot ma ho ulang maoto, hara ni hepeng sogok; ulang ho ra gabe lilu hara ni sinadongan.

JOB 5:2

Hum halak na bodo sun do na mate hara ni hancit ni rohana sajo.

JUNUS 4:1

Muruk sajo ma si Junus nada sonang rohania di haputusan ni Debata i; mur muruk ma ia.

JUNUS 4:10

Jadi didok Debata ma tusia, “Di bagasan saborngin sajo do tubu suan-suanan on, jana manigor mate ia ancogotna i; nada ho na patubuhon i sanga pature-turehon i. Haru songon i pe laing marsak ho hara ni na mate ia.

JUNUS 4:8

Dung bincar mataniari, diparo Debata ma alogo na milas na mangombus sian Habincaran. Giot tarkatos ma si Junus hara ni pandoit ni mataniari i songon dia na manutung ulunia. Gabe mandele ma ia jana por rohania sugari mate. Ning ia ma, “Gumonan noma da iba mate ulang pado mangolu!”

MATEUS 26:38

Didok Ia ma tu anak siseanNia i, “Marsak sajo do Au, songon na giot mate Huhilala. Dison ma jolo hamu, anso dohot hamu marjonggor rap dohot Au.”

2 KORINTUS 7:10

Angke anggo hamarsahan na tumbuk tu roha ni Debata do, parohon haubaan ni roha na paluahon do i. Jana nada manyosal halak sisongon i. Tapi anggo hamamarsak na sian tano on, arsak na mamatehon do i.

HALUMBAAN 9:6

Anggo na lima bulan i maradu mate ma nian giot ni jolma i, hape nada tarbaen halahi mate; por roha ni halahi nian anso mate, hape dao do hamatean i sian halahi.

HAKIM-HAKIM 16:16

Dipupu si Delila ma ganop ari murngis-urngis dohot mangelek-elek, lopus loja si Simson umbegesa.