JUNUS 4:6 - BIBEL JAMITA NA DENGGAN

⁶ Jadi dipatubu Tuhan Debata ma sada suan-suanan na marandor na mangalaungi si Junus gabe sonang pangkilalaannia. Laing na sonang hian do tutu roha ni si Junus tu suan-suanan i.

JUNUS 4:6 ပူးပေါင်းရင်းမြစ်များ

ESTER 5:9

Mulak ma si Haman sian parjamuan ni Ratu Ester di bagasan jop ni roha. Tapi lalu di pintu horbangan ni bagas godang i diida ia ma si Mordehai na so marhusor i laho mangalehen sangap tusia, gabe gilap ma ia.

JOB 7:2

songon hatoban manghalungunkon pangondianna, songon pangomo na intean di na niomona.

PODA 23:5

Harana di bagasan sangombas sajo pe bolas do mago sinadonganmi, songon na marhabong ia jana habang tu langit songon unggas rajawali.

JESAYA 39:2

Marjop ni roha ma si Hiskia hara ni utusan i jana dipatuduhon ia sude sinadongan, i ma angka sere dohot perak, angka parmasak dohot miak na huskus, dohot sude perlengkapan ni tentarania. Nada adong be di bagas godang i dohot di sude harajaannia na nitabunihonnia tu halahi.

AMOS 6:13

Ale hamu na marjop ni roha hara ni Lodabar, jana na mandok, “Nada he marhite hagogoonta do tarampas Karnaim di hita?”

JUNUS 1:17

Jana di hatiha i diparo Tuhan ma sada ihan na godang mambondut si Junus. Jadi gabe tinggal ma si Junus di bagasan butuha ni ihan i tolu ari tolu borngin honokna.

JUNUS 4:5

Dung i kehe ma si Junus sabola Habincaran ni kota i, juguk ma ia disi. Dipature ia ma sada undung-undung jana marsilaung ma ia di bagasan, lalu painte-intehon sanga aha na giot masa di kota Ninive.

JUNUS 4:7

Tapi ancogotna i taran andostorang dope, dibaen Debata ma sada ulok-ulok na manggirik urat ni suan-suanan i, gabe malos ma i.

LUKAS 10:20

Haru pe songon i, ulang marjop ni roha hamu hara ni na nioloan ni angka tondi na jahat hamu, tapi gumonan ma marjop ni roha hamu hara ni na dung tarsurat goarmunu di banua ginjang.”

1 KORINTUS 7:30

halak na tangis, songon na so marsak ma rohana; halak na martata songon na so marjop ni roha ma ia; halak na manobusi, songon na so marnampuna;