JUNUS 4:5 - BIBEL JAMITA NA DENGGAN

⁵ Dung i kehe ma si Junus sabola Habincaran ni kota i, juguk ma ia disi. Dipature ia ma sada undung-undung jana marsilaung ma ia di bagasan, lalu painte-intehon sanga aha na giot masa di kota Ninive.

JUNUS 4:5 ပူးပေါင်းရင်းမြစ်များ

1 RAJA-RAJA 19:13

Dung dibege si Elia pangombus ni alogo i, digupgupi ia ma bohinia dohot jubania i, ruar ma ia jana dipajongjong ia ma di pintu ni liang i. Didok sora i ma tusia, “Na mahua dehe ho dison Elia?”

1 RAJA-RAJA 19:9

Marborngin di sada liang ma ia disi. Jadi didok Tuhan ma tusia, “Aha dehe karejomu dison Elia?”

JESAYA 57:17

Hara ni hasalaan na mangahut tu dirinia sandiri do umbaen na muruk Au, Hu ajar do ia, Hutabunihon bohingKu dohot murukKu, tapi marbalik do ia mamolus dalan na nipili ni rohana.

JEREMIA 20:9

Tapi muda hudok di bagasan rohangku “Halupahon ma Ia, nada ra be au mangkuling mangasahon goarNia,” jadi gabe songon api ma tonaMi manggara-gara di ate-atengki. Huuji do nian manahansa hape nada tolap iba.

JUNUS 1:5

Mabiar situtu ma angka na di kapal i jana marsurak-surak ma halahi mangido tolong tu debatana be. Diparambungkon halahi ma angka muatan ni kapal i tu bagasan laut i anso ulang bonom kapal i. Tapi anggo si Junus madung di inganan na partoru hian, dipapayak-payak ia ma disi lalu tarpodom sinok.

JUNUS 4:4

Didok Tuhan ma mangalusi, “Patut ma he ho muruk?”

JUNUS 4:6

Jadi dipatubu Tuhan Debata ma sada suan-suanan na marandor na mangalaungi si Junus gabe sonang pangkilalaannia. Laing na sonang hian do tutu roha ni si Junus tu suan-suanan i.