JUNUS 3:9 - BIBEL JAMITA NA DENGGAN

⁹ Betak na ra do Debata manguba nietNia gabe nada muruk be, jadi nada tulus hita bunuonNia!”

JUNUS 3:9 ပူးပေါင်းရင်းမြစ်များ

2 SAMUEL 12:22

“Olo,” ning si Daud mangalusi, “Tutu do puaso au jana tangis dompak mangolu dakdanak i, harana didok rohangku: Betak na ibo do roha ni Tuhan mida au jana padiaronNia mangolu dakdanak i.

MASMUR 106:45

Hara ni halahi diingot Ho parjanjianMu, jana diuba Ho haputusanMu, hara ni godang ni holong ni rohaMu.

MASMUR 85:3

Nada be dimuruki Ho halahi; parpiar ni murukMu ditarik Ho do mangulahi.

MASMUR 90:13

Ale Tuhan intap ni andigan sai milas rohaMu? Marpangulahi jana ibo ma rohaMu di angka naposoMon.

JEREMIA 26:13

Hara ni i pauba hamu ma parngoluonmunu dohot angka pangalahomunu; oloi hamu ma Tuhan Debatamunu anso disundati Ia nietNia laho mangago hamu.

DANIEL 4:27

Hara ni i, denggan ma diihutkon raja i sipaingotku. Ulang be sai mardosa raja i, tapi dipatulus raja i ma na denggan dohot na tigor, jana ibo ma roha ni raja i mida halak na pogos. Jadi muda songon i, sai tongtong ma martua raja i.”

AMOS 5:15

Hagigihon hamu ma na jahat, haholongi hamu ma na denggan, jana hajongjongkon hamu ma na tigor. Betak na ibo do roha ni Tuhan di angka jolma na teba i sian pomparan ni si Josep.

JUNUS 1:15

Lalu didanggurkon halahi ma si Junus tu bagasan laut i. Jadi manigor ompot ma so ombak i.

JUNUS 1:6

Jadi di na mijur nakhoda ni kapal i tu toru, didapot ia ma si Junus disi hatiha modom. Jadi didok ia ma, “Laing tarbaen ho dope antong modom ma pola songon on na masa! Ngot ho! Martangiang ma ho tu Debatamu laho mangido tolong. Nada binoto betak sai ibo rohaNia tu hita gabe dipalua hita.”

JUNUS 4:2

Jadi martangiang ma ia, “Nada he hudok hian do ale Tuhan taran so kehe sian bagasku na salpu i, na giot songon i hian do baenonMu? Hara ni i ma umbaen na huompoti kehe tu Tarsis! Huboto humani do Debata pangusayang dohot parholong Ho, na lambok jana mura sajo do manigor di Ho pauba sangkapMu manguhumi.

ZEPANYA 2:3

Jalahi ma Tuhan, ale hamu angka na toruk roha di luat on, na mangoloi parentaNia; jalahi ma hatigoran, jalahi ma toruk ni roha; betak na adong dope di hamu parlinggoman di hatiha hamumuruk ni Tuhan.

1 SAMUEL 6:5

Jadi angkon baenonmunu do tiruan ni baro dohot monci na mangganas di luatmunu on. Songon i ma baen hamu pasangapkon Debata ni Israel i. Betak antahonNia ma manguhum hamu dohot angka debata maradu tanomunu.