6 Di na tarbege tu raja ni Ninive barita i, manigor mijur ma ia sian habangsania. Dibuka ia ma baju harajaonnia i jana dipake ia ma abit goni, lalu juguk ma ia di abuan.
Dung sidung si Elia na mandok hata i, disibakkon si Ahab ma pakeannia lalu digonti ia ma dohot abit goni tanda ni na manyosal ia. Puaso ma ia jana modom pe laing marbaju goni ma ia jana muda mardalan, murhing ma torus bohinia.
Haru pe gomos dipangido si Elnatan, si Delaya dohot si Gemarya anso ulang ditutung raja i surat balunan i, tapi nada ra ia manangihon halahi. Nada gabe mabiar sanga manyosal idaon raja i dohot angka parpangkat i umbege isi ni surat i.
Didok Tuhan ma tu bangsoNia, “Pake hamu ma abit goni jana margiling-giling ma hamu di abuan i. Marsiluluton jana mangandungi ma hamu di bagasan pangkilalaan na dangol songon halak na mangandungi anakna sisada-sada na mate, angke ompot noma hamu roroon ni hamamago.”
Marjuguhan hatobangon ni kota Sion markutondo di tano; marsisampakkon abuan tu ginjang ni ulu, jana mamake abit goni tanda ni marsakna. Angka nauli bulung pe paunduk ulu lalu tu tano.
Paida-ida bagianmu, jongjong ma angka raja na sian bangso-bangso na di topi ni laut sian habangsana, bukaonna baju juba hasangapanna baju na marsulam na nipake ni halahi, lalu marjuguhan di tano humitir be. Sun ma biar ni halahi, gabe nada tarbaensa so.
Ulang paboa-boa hamu hataluonmunu i tu musumunu di Gat; ulang padiar hamu diida halahi tangis hamu. Ale hamu halak Bet-Le-Afra, margiling ma hamu di abuan tanda ni pandelean!
“Marjaya situtu ma ho Khorasim, marjaya ma dohot ho ale Betsaida. Sugari di halak Tirus dohot Sidon dibaen tanda hahomangan na nibaen di tonga-tongamunu, ma pola markutondo halahi marsak, marsibaen sirabun tu pamatangna be pataridahon na dung muba roha ni halahi sian angka dosana.
“Marjaya do ho Khorasim! Marjaya do ho ale Betsaida! Sugari di kota Tirus dohot Sidon dipamasa angka hahomangan na di pamasa di tonga-tongamunu pasti madung tibu halahi pauba rohana jana marsak angka jolma na disi di hatiha i.