JUNUS 3:4 - BIBEL JAMITA NA DENGGAN

⁴ Masuk ma si Junus tu kota i jana dung didalani ia sasadari mamungka ma ia marjamita, ning ia ma, “Opat pulu ari nari, maronco ma Ninive!”

JUNUS 3:4 ပူးပေါင်းရင်းမြစ်များ

2 RAJA-RAJA 20:1

Laing di ombas i baroon ma Raja Hiskia hancit sajo jabat giot mate ia. Ditopot Panurirang Jesaya anak ni si Amos ma ia jana didok ma tusia, “Madung ditonahon Tuhan anso dihobasi raja i sandok karejo, angke nada malum be raja i. Nada sadia honok nari be anso marujung ngolu ni raja i.”

2 RAJA-RAJA 20:6

Mangolu dope ho lima bolas taon nari. Hupalua pe ho dohot kota Jerusalem sian tangan ni Asur. OndihononKu do kota on hara ni goarKu sandiri bope hara ni parjanjianKu dohot naposongKu si Daud.”

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JEREMIA 42:10

‘Muda giot hot do hamu maringanan di luat on, angkatonKu ma hamu jana nada dabuhononKu; pajongjongonKu ma hamu, jana nada runcurhononKu. Marsak sajo do Au hara ni na dung Hupamasa hamamago tu hamu.

JUNUS 3:10

Diida Debata ma sude pangalaho ni halahi i; diida Ia ma na dung ditadingkon halahi pangalaho ni halahi na jat i. Jadi gabe dipauba Ia ma haputusanNia i, gabe nada tulus be halahi hona uhum dibaen Ia.

MATEUS 12:41

Saulahon di Ari Paruhuman i, jongjong ma halak Ninive adop bangso on, mandabu uhuman tu halahi. Harana anggo halahi, marsipauba rohana be do dung marjamita si Junus tu halahi! Hape gumodangan dope nian na dison i sian si Junus!

LUKAS 11:30

Tarsongon Panurirang Junus na gabe sada hahomangan di halak Ninive, laing songon i muse ma Anak Ni Jolma i angkon gabe sada hahomangan tu angka jolma sisaonnari on.

LUKAS 11:32

Di ari paruhuman i jongjong ma halak kota Ninive patuduhon hasalaanmunu, angke dipauba halahi do rohana hara ni jamita ni si Junus. Ligi ma, adong do dison na gumodang ulang pado si Junus.”

PANGARATAION 18:22

Muda manghobari sada panurirang mamake goar ni Tuhan, hape nada tulus masa na nidoknia i, nada sian Tuhan ro tona i. Sian goarna sandiri do manghobari panurirang i, jana ulang pola mabiar hamu tusi.”