JUNUS 2:9 - BIBEL JAMITA NA DENGGAN

⁹ Tapi anggo au endehononku ma puji-pujian di Ho jana huhaulkon haul tu Ho. Patulusonku do sude na hujanjihon. Ho do ale Tuhan na paluahon.”

JUNUS 2:9 ပူးပေါင်းရင်းမြစ်များ

PAMUNGKAAN 35:3

Morot ma hita sian inganan on jana kehe ma hita tu Betel. Pajongjongonku ma disi sada langgatan di Debata na mangurupi au di hatiha hasusaanku jana na mandongani au sanga na tu dia pe au kehe.”

2 SAMUEL 15:7

Dung salpu opat taon, didok si Absalom ma tu Raja Daud, “Amang, paloas ma au jolo kehe tu Hebron laho patulus janjingku tu Tuhan.

JOB 22:27

Muda martangiang ho, alusanNia ma i, jana patulus ma antong janjimu sudena i.

MASMUR 107:22

Padiar ma halahi mandok tarimakasi, jana maroban haul, mardongan ende-ende jop ni roha pabotohon karejo ni Tuhan.

MASMUR 27:1

Tuhan do hatiuran ni ngolungku dohot sipalua au, nada adong habiaranku. Tuhan do benteng parondinganku, nada pola humitir au.

MASMUR 3:8

Sian Ho do ro pangurupion, ibo ma rohaMu, ra ma jolo Ho mamasumasu bangsoMon.

MASMUR 50:14

Haul haluaan ma haulkon tu Au, Debata Na Gumincat patulus ma janjimu tu Au.

MASMUR 50:23

Sanga ise na mandok tarimakasi baen haulna, i do na pasangapkon Au. Tu halak na tigor ngoluna, patuduhononKu ma haluaan na sian Au.

MASMUR 68:20

Debata na paluahon do anggo Debatanta Debata, Tuhanku mangalehen haluaan sian hamatean.

MASMUR 95:2

Beta ma mangadop tuSia mardongan logu tarimakasi, marsurak-surak diSia mardongan masmur.

JESAYA 45:17

Hape anggo Israel paluaon ni Tuhan, jana malua ma halahi salolotna. Rayatna i nada palayason salolot-lolotna dohot satorusna.’ ”

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

HOSEA 14:2

Mulak ma hamu tu Tuhan Debatamunu, ale bangso Israel! Dosamunu do mambaen hamu tarsilandit lalu tinggang.

JOHANNES 4:22

Hamu angka halak Samaria disomba hamu do na so ditanda hamu, tapi anggo hami halak Jahudi, na hami tanda do na hami somba; angke sian halak Jahudi do ro haluaan i.

BAENON NI ANGKA RASUL 4:12

Hum markite-hite Jesus sajo do jolma dipalua. Harana sian sude jolma na satano on, nada adong sahalak pe na dung manjagit kuaso sian Debata laho paluahon hita.”

SURAT NI SI PAULUS TU PARLAGUTAN ROM 12:1

Hara ni i ale angka dongan, hupaingot ma hamu markite-hite ibo ni roha ni Debata, anso dipasahat hamu dirimunu gabe haul na mangolu, na badia jana na tumbuk di roha ni Debata, i ma na gabe hangoluanmunu na sapatutna.

PANGARATAION 23:18

Songon i hepeng na dapot sian dalan na songon i, nada tola obanon tu Bagas Ni Tuhan Debatamunu baen panggarar ni haul bagi aha, angke magigi do Tuhan tu angka panggampang di bagas pamelean ni angka debata na asing i.

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

HALUMBAAN 7:10

Marsora na gogo ma halahi pio-pio, “Haluaan ma di Debatanami na juguk di habangsa i, dohot di Anak Ni Biri-biri i!”

1 SAMUEL 12:21

Ulang antong ihutkon hamu angka debata na so tarbaen mangurupi dohot paluahon hamu, angke na so tutu do adong halahi.