JUNUS 2:6 - BIBEL JAMITA NA DENGGAN

⁶ Julung do au lopus tu ojahan ni tano on, na marhorbangan jana na markunci salolot ni lolotna. Hatiha i ma dipaulak Ho ngolungku sian hamatean, ale Tuhan, Debatangku.

JUNUS 2:6 ပူးပေါင်းရင်းမြစ်များ

JOB 33:24

Dokkonon ni surusuruan i ma sian ibo ni rohana, ‘Palua ma da ia, nada tola ia manuat dope tu tanoman. On ma hepeng panobusna, anso tola ia maruli haluaan.’

JOB 33:28

Disundati Debata do au kehe tu hamatean i, gabe mangolu do au lopus tu saonnari.’

MASMUR 104:6

Dung i ditutupi Ho ma i dohot lautan, aekna i mambaen liput puncut ni angka dolok.

MASMUR 104:8

Sian dolok mardalan aek i songon na marlobian tu inganan na nipasingkopMu disia di rura an.

MASMUR 116:3

Dirongomi parmaraan godang au, humasusa jana mabiar au pambaen ni jorbut ni hamatean.

MASMUR 143:7

Alusi ma au saonnari, ale Tuhan, dibaen madung magotap arop ni roha. Ulang martabuni be tu au anso ulang songon halak na manuat tu hamatean au.

MASMUR 16:10

angke nada dipadiar Ho au mate, halak na nihaholonganMu nada dilehen Ho tu hamatean.

MASMUR 18:5

Manaon jorgong hamatean tu au, ngangang kuburan i di jolongku.

MASMUR 30:3

Disalpuhon Ho do tanoman sian au, jana dipasuang Ho ngolungku.

MASMUR 30:9

Aha ma he gunana di Ho muda mate au, aha ma untungna muda dikuburkon au? Tarbaen na mate ma he mamuji Ho dohot pajojorkon denggan ni haburjuonMu?

MASMUR 55:23

Tapi anggo Ho ale Debata, sampakkononMu ma halahi tu bagasan lubang na umbagas. Angka panghianat dohot na manduruskon mudar, nada lalu bolusonna satonga ni umurna. Hape anggo au, tu Ho do au porsaya.

MASMUR 65:6

Marhite kuasoMu na sumurung i, dipajongjong Ho angka dolok.

MASMUR 69:2

Ronjom do au tu ombik na bagas, nada adong baen sidegean. Mogap au di aek na bagas, mayup-ayup dibaen galumbang ni pasang.

JESAYA 38:10

“Pandokku, satonga umur dope angkon kehe ma au, tu pintu ni harbangan ni hamatean do au dipio lalu tu ujung ni ngolungku.

JESAYA 38:17

Muba ma haparironku gabe hasonangan ni roha, dipalua Ho do au sian mara; madung diampuni Ho angka dosangku sudena.

JESAYA 40:12

Ise ma he tarbaen marsuhat laut dohot tanganna, sanga mangukur langit dohot jari-jarina? Ise ma he tarbaen papungu tano ni portibi di bagasan sambong, sanga manimbang borat ni dolok dohot kiloan?

JEHESKIEL 26:20

Dung i Hutongos ma ho tu inganan ni na mate anso mardomu ho disi dohot jolma na sian sinarobian. Hupadiar ho manongtong di inganan ni jolma na mate i, di tonga-tonga ni hasesego na mamanjang, rap dohot halak na mate i. Gabe nada siinganan be tanomi, jana nada goaron be ho di tonga-tonga ni jolma na mangolu.

JEHESKIEL 31:14

Tarjadi pe sudena i anso ulang marginjang ni roha do angka hayu na tubu di topi ni batang aek, ulang ma dipatimbo dirina lalu tu langit jana ulang ma sai marginjang ni roha. Angke sudena i madung dipasahat tu hamatean di toru ni tano rap dohot angka jolma na dung mate.”

HABAKUK 3:10

Hum mangida Ho munggal-unggal ma angka dolok sian langit udan songon na durus dibaen por. Aek na di toru ni tano gumadobur sorana ombakna i marbalun-balun jana manggasa-gasa.

HABAKUK 3:6

Muda jongjong Ho, humutur ma tano; muda manatap Ho, humitir ma angka bangso. Mangkahoping ma angka dolok sian najolo; angka tor sian narobi gabe marondo, di angka tanggurung ni tor i ma mardalani Ho di hatiha na robi.

MATEUS 16:18

Au pe Hudok ma tu ho, ‘Si Petrus’ do ho (artina ‘Batu na pir’). Di ginjang ni batu on ma pajongjongKu parlagutanKu na so tartaluhon; sanga na hamatean pe na ro i!

PANGARATAION 32:22

Mamulatak ma murukKu songon api na mangabiskon sasude na di portibi. Api na rarat lalu tu taruma ni tano i manutung dolok lalu tu angka uratna i.