Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JUNUS 1:9 - BIBEL JAMITA NA DENGGAN

9 Dialusi si Junus ma, “Halak Ibrani do au. Tuhan Debata na di banua ginjang i do husomba, i ma na manompa laut dohot darat.”

အခန်းကိုကြည့်ပါ။ ကော်ပီ




JUNUS 1:9
29 ပူးပေါင်းရင်းမြစ်များ  

Digoari Debata ma tano i “Darat”, jana parpunguan ni aek i digoari Ia ma “Laut”. Jana denggan ma sudena i diida Debata.


Tapi adong ma sahalak na luncat jana dipaboa ia ma sude na masa i tu si Abram, halak Ibrani i. Donok tu harangan paribadatan nampuna ni si Mamre, halak Amori i do inganan ni si Abram. Dongan ni si Abram do si Mamre dohot kahangginia si Eskol dohot si Aner.


Na dung disumpahon Tuhan do tu au, i ma Debata na mangarajai langit, na maroban au sian bagas ni damang dohot sian luat ni koum sisolkotku na giot lehenonNia do luat on tu pomparanku. Laing suruonNia muse ma surusuruanNia mardalan di jolomu anso laing dapot ho boru sian adu di anakki.


dipiohon ripe ni si Potifar i ma angka parhobas ni bagas i jana didok ia ma, “Ligi hamu ma indon! Mambaen layas do tu hita halak Ibrani na nioban ni halaklahingki tu bagas on. Masuk ma ia antong tu kamarku jana dicubo ia ma mambaen na so ture tu au, tapi marsurak au sagogongku.


Dimulana maringanan halahi disi, nada dipasangap halahi Tuhan, i ma dalanna umbaen na diparo Tuhan angka singa manyoroi deba sian halahi.


Gabe mulak ma sahalak malim ni Israel na dung dioban i sian Samaria tu Asur jana maringanan ma ia di Betel. Disi ma ia mangajari rayat i sanga songon dia na sapatuna manyomba Tuhan.


“On ma parenta ni si Kores, raja ni Persia. Madung dibaen Tuhan, Debata Na Markuaso di banua ginjang au gabe raja di sandok portibi on, jana ditugaskon do au laho mambangun sada bagas diSia di Jerusalem na di tano Juda.


Dialusi halahi do, ‘Anggo hami on, naposo ni Debata na mangarajai sandok alam on do. Na mambangun mangulahi do hami di Bagas Ni Tuhan na nipajongjong jana dihobasi ni sahalak raja ni Israel na godang marpulu-pulu taon na salpu.


Umbege barita i, juguk ma au jana tangis. Sanga na piga ari lolotna sai tangis au. Torus do au puaso lalu martangiang tu Debata,


Marsapa ma raja i, “Antong, aha do giotmu?” Martangiang ma au di bagasan rohangku tu Debata na markuaso di banua ginjang i,


Dung i martangiang ma rayat ni Israel songon on, “Ho do antong Tuhan, ho do na sun sasada: Dijadihon Ho do bintang dohot sude angkasa. Songon laut dohot tano maradu sude isina. Lalu dilehen Ho ngoluna jana manyarihonsa. Sude kuaso na di langit marsomba sujud. Tunduk halahi tu Ho jana mangunduk.


Tapi dialusi Sibolis i, “Tontu antong marsomba tu Ho si Job, angke manjagit upa ia.


Dok ma tarimakasi tu Debata pangarajai ni langit; hot do holong ni rohaNia sapanjangna.


Dung i ninna raja Mesir i ma tu angka bidan na manolong angka ina ni halak Ibrani di na laho manubuhon dakdanak. Bidan i na sada margoar si Sipra, na sada nari margoar si Pua.


Ancogotna i ro muse ma si Musa, diida ia ma dua halak Ibrani topet marbadai. “Biasi dipukul ho dongan sabangsomu?” ninna si Musa tu halak na marsala i.


Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.


Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.


“Biasi baenonmunu songon i, hamu ale angka dongan? Laing jolma do hami songon hamu! Na giot manjamitahon Jamita Na Denggan i do hami dison tu hamu angka dongan, anso ditadingkon hamu sudena pangalaho na so marguna on boti anso ro hamu mandapotkon Debata na mangolu i, i ma sitompa langit dohot tano on dohot laut dohot sude na adong di bagasanna.


Harana napotangin madung disuru Debata na husomba i surusuruanNia tu au, Debata i do nampuna au.


Marumur salapan ari, ma disunat au. Halak Israel do au, sian Marga Benyamin; halak Ibrani asli do au. Salaho tu na mangoloi angka Tona ni ugamo Jahudi, au ma sahalak anggota ni golongan Parise.


Jadi ro ma lalo na gogo hatiha i di tano on. Maronco ma saparsampulu ni kota i jana mate ma dibunu lalo i pitu ribu halak. Angka halak na asing i na so mate dibunu lalo i, gabe mabiar situtu ma; jadi gabe dipuji halahi ma hagodangan ni Debata di banua ginjang i.


Ise dope he na so mabiar mida Ho, Tuhan, jana ise dope he na so ra pasangapkon goarMu? Hum Ho sajo do na badia. Marroan ma angka bangso sudena manyomba Ho dibaen madung diida sasude halak angka panguhumanMu na tigor i.”


Diburai halahi ma Debata na di banua ginjang hara ni na hancitan dohot hara ni na baro-baroon i halahi. Hape laing nada ra halahi pauba rohana sian angka pambaenan ni halahi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ