JUNUS 1:7 - BIBEL JAMITA NA DENGGAN

⁷ Dung manaek si Junus dohot nakhoda i tu ginjang, marsidokkonan ma angka parkapal i sama halahi, “Tole ma tabaen undi, anso taboto sanga ise na sala umbaen na ro parmaraan on tu hita!” Jadi dibaen halahi ma undi, jana goar ni si Junus ma hona.

JUNUS 1:7 ပူးပေါင်းရင်းမြစ်များ

ESTER 3:7

Di taon padua bolaskon mamarenta Raja Ahasweros di bulan sada, i ma bulan Nisan, disuru si Haman ma mambaen undi na margoar “purim” laho mamboto sanga ari dohot bulan dia na tumbuk laho palaluhon nietnia na jahat i. Jadi gabe ditontuhon ma tanggal tolu bolas bulan dua bolas, i ma bulan Adar.

JOB 10:2

Ale Debata, ulang ma da au sai pasala. Patorang ma da dialo Ho iba hara ni aha.

MASMUR 22:18

Dibagi-bagi halahi do pakeanku, jana mardadu halahi hara ni baju jubangku.

PODA 16:33

Dibaen halak do undi, tapi Tuhan do na manontuhon sude alusna.

BILANGAN 32:23

Tapi ingot hamu ma! Muda nada dipatulus hamu janjimunu i, mardosa ma hamu di Tuhan. Jadi ulang baen be na sala, anso ulang hona uhum hamu hara ni dosamunu.

MATEUS 27:35

Dung i diparsilangkon halahi ma Ia. Mardadu ma halahi laho mambagi-bagi abitNia i.

BAENON NI ANGKA RASUL 13:19

Dung i dironcohon Ia pitu bangso di tano Kanaan, dilehen Ia ma tano i di halahi gabe teanonna.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

JOSUA 7:10

Dialusi Tuhan ma si Josua, “Jongjong ma ho! Biasi sai manungkap ho?