JUNUS 1:5 - BIBEL JAMITA NA DENGGAN

⁵ Mabiar situtu ma angka na di kapal i jana marsurak-surak ma halahi mangido tolong tu debatana be. Diparambungkon halahi ma angka muatan ni kapal i tu bagasan laut i anso ulang bonom kapal i. Tapi anggo si Junus madung di inganan na partoru hian, dipapayak-payak ia ma disi lalu tarpodom sinok.

JUNUS 1:5 ပူးပေါင်းရင်းမြစ်များ

1 RAJA-RAJA 18:26

Jadi dipili halahi ma sada lombu jana dihobasi halahi. Dung sidung, martangiang ma halahi tu Baal lopus tonga ari laing marsurahi ma halahi, “Alusi hami, o Baal!” Di na mambaen songon i, laing torus-torus do halahi manortori humaliang langgatan na nibaen ni halahi i. Hape nada adong maralus bagi aha.

JOB 2:4

Tapi dialusi Sibolis i ma, “Ummarga do da hosa sian arta. Ra do jolma mangambungkon sude sinadonganna asalkan ma laing mangolu ia.

MASMUR 107:25

Hara ni parentaNia, ro ma topan na manggosa-gosa na mambaen ombak margalumbang.

MASMUR 148:8

ale hilap dohot ambolas, es dohot ombun, halingsungsung na mangoloi parenta ni Tuhan!

PARJAMITA 3:6

Adong do hatiha laho padapotkon dohot hatiha agoan; hatiha laho pasimpankon dohot hatiha marabur-abur.

JESAYA 45:20

“Ro ma hamu jana marlagut, hamu sude na malua sian tonga-tonga ni angka bangso. Angka halak na mangudur-udurkon patung hayu-hayu, na so marbinoto boti na oto; na martangiang tu angka debata na so bisa mambaen malua.

JEREMIA 2:28

Di dia ma he angka debatamunu na nipaturemunu i? Muda masa hasusaan suruhon ma halahi paluahon hamu, anggo tarbaensa do! O ale Juda, bahat ni angka debatamu sabahat ni angka kotamu!

HOSEA 7:14

Nada tutu situtu na ruar sian roha tangiang ni halahi. Angke muda martangiang halahi, diompaskon halahi do dirina tu podoman, jana mangandung songon na nibaen ni angka jolma na so mananda Au, hape tangiang ni halahi i nada ruar sian ate-ate na ias. Muda martangiang halahi mangido gandum dohot anggur, digomahi halahi ma pamatangna i songon halak sisomba gana-ganaan, mangalo do halahi tu Au!

JUNUS 1:14

Jadi hara ni i pio-pio ma halahi tu Tuhan, ninna ma, “Ale Tuhan, mangido hami ulang ma hami diuhumi marutang hosa hara ni na manyintak hosa ni jolma na so mambaen hasalaan bagi aha pe tu hami. Ho do Tuhan na mambaen tarjadi sude.”

JUNUS 1:16

Gabe mabiar situtu ma angka parkapal i tu Tuhan, jana dung mandarat, dihaulkon halahi ma haul jana marjanji ma halahi laho mangoloi Tuhan.

JUNUS 1:6

Jadi di na mijur nakhoda ni kapal i tu toru, didapot ia ma si Junus disi hatiha modom. Jadi didok ia ma, “Laing tarbaen ho dope antong modom ma pola songon on na masa! Ngot ho! Martangiang ma ho tu Debatamu laho mangido tolong. Nada binoto betak sai ibo rohaNia tu hita gabe dipalua hita.”

MATEUS 25:5

Honok ma bayo pangoli i anso ro, gabe mamungka ma mondohondok bujing-bujing i lopus tarpodom be.

MATEUS 26:43

Dung i mangulahi ma Jesus ro. Didapot Ia, ma laing modom do angka anak siseanNia i. Songon na so tarbuka be mata ni halahi hara ni nonona dihilala halahi.

MATEUS 26:45

Dung i didapotkon Ia ma mangulahi angka anak siseanNia i didok Ia ma tu halahi, “Modom ma hamu huhut maradian. Ligi hamu ma, ma dapot hatihana laho pasahatkon Anak Ni Jolma i tu angka halak pardosa.

BAENON NI ANGKA RASUL 27:38

Dung butong mangan halahi sude, diambungkon halahi ma gandum muatan ni kapal i tu laut anso murnayang kapal i.

HAKIM-HAKIM 16:19

Dung i diapus-apus si Delila ma si Simson lopus tarpodom di ampuannia, lalu dipiohon ia ma halak jana disuru ia manggotap dandanan ni obuk ni si Simson na pitu i. Gabe mago ma hagogoan ni si Simson i. Dung i digorahon si Delila ma si Simson,

1 SAMUEL 24:3

Manigor dipili si Saul ma tolu ribu tentara na dumenggan sian sude Israel, lalu kehe ma i manjalahi si Daud dohot parangannia i di Habincaran ni Dolok Batu Hambeng Harangan.