Jadi diangkat si Musa ma tungkotnia jana diparo Tuhan ma haba-haba sian Habincaran mangombus tu luat i arian dohot borngin. Marayak manyogot dope marroan ma angka siapor i.
Dipahusor Tuhan ma pangombus ni haba-haba, gabe ro sian Hasundutan gogo sajo. Dung i dihabangkon haba-haba i ma siapor i lalu tu Laut Rara. Umpe sada siapor i na tading di sude tano Mesir.
Dung i dipahortang si Musa ma tangannia tu ginjang ni laut i, jana diparo Tuhan ma haba-haba na gogo situtu na mangombus sian Habincaran pola sumurut aek i. Manyipat saborngin i sai mangombus haba-haba na gogo i mambaen laut i marbola dua jana maruba gabe tano na mahiang.
Hum parenta do dilehen Ia, mardorom ma aek di awang-awang sian ujung ni tano on marroan angka ombun dibaen Ia. Dibaen Ia mamincar porkas di bagasan udan, ditongos Ia alogo sian panyimpananna.
Dolok dohot alogo, Tuhan do manompasa; dipabotohon Ia do sangkapNia tu jolma manusia. Diuba Ia do arian gabe borngin, jana di puncu ni angka dolok Ia mardalani. Tuhan, Debata Na Markuaso, i do goarNia.
Dung i manigor ma dibaen Tuhan mangombus haba-haba sian laut, dioban haba-haba i ma angka unggas leto habang toruk sajo. Di sude parbandaran i lalu dope sanga na piga kilometer daona humaliang songgop unggas i. Bahat situtu unggas i marturpuk-turpuk pola sameter gincatna.