JUNUS 1:14 - BIBEL JAMITA NA DENGGAN

¹⁴ Jadi hara ni i pio-pio ma halahi tu Tuhan, ninna ma, “Ale Tuhan, mangido hami ulang ma hami diuhumi marutang hosa hara ni na manyintak hosa ni jolma na so mambaen hasalaan bagi aha pe tu hami. Ho do Tuhan na mambaen tarjadi sude.”

JUNUS 1:14 ပူးပေါင်းရင်းမြစ်များ

PAMUNGKAAN 9:6

Songon Debata do jolma i ditompa, jadi hara ni i sanga ise na mambuat hosa ni jolma, bunuon ni jolma muse ma ia.

MASMUR 107:28

Di bagasan hasusaan, pio-pio halahi tu Tuhan, jana dipalua Ia halahi sian hasompitan.

MASMUR 115:3

Di banua ginjang do anggo Debatanta, dibaen Ia do sanga aha giot ni rohaNia.

MASMUR 135:6

Dibaen Ia do sanga na aha giotNia, di langit an dohot di tano on, di laut dohot di na bagas ni lautan.

JESAYA 26:16

Ale Tuhan, hatiha na sompit dijalahi halahi do Ho, hatiha hona uhumMu, tu Ho do halahi pio-pio di bagasan tangiang.

JUNUS 1:13

Tapi laing dipuntial angka parkapal i do gogona marsitutu mandayung kapal i tu darat. Tapi laing mur manggasa-gasa do ombak i, gabe nada marguna haloloja ni halahi i.

JUNUS 1:16

Gabe mabiar situtu ma angka parkapal i tu Tuhan, jana dung mandarat, dihaulkon halahi ma haul jana marjanji ma halahi laho mangoloi Tuhan.

JUNUS 1:5

Mabiar situtu ma angka na di kapal i jana marsurak-surak ma halahi mangido tolong tu debatana be. Diparambungkon halahi ma angka muatan ni kapal i tu bagasan laut i anso ulang bonom kapal i. Tapi anggo si Junus madung di inganan na partoru hian, dipapayak-payak ia ma disi lalu tarpodom sinok.

JUNUS 3:8

Jolma dohot pahan-pahanan angkon mamake abit goni. Songon tanda ni panyolsolion angkon martangiang sude jolma sian situtu ni rohana tu Debata. Angkon padengganonna be pangalahona na jahat i dohot parangena na gok dosa i.

MATEUS 11:26

Olo, Amang, dibaen na songon i do hagiot ni rohaMu.”

BAENON NI ANGKA RASUL 28:4

Jadi dung diida halak pulo i laing gantung ulok i di tangannia, marsidokkon hatana ma halahi sama halahi, “Tontu sibunu jolma do bayo on, harana haru pe na dung malua ia sian parmaraan na di laut i, nada dipaloas Dewi Hasintongan i ia mangolu,” ninna halahi.

EPESUS 1:11

Debata do mangkarejohon sasudena hombar tu hagiotNia dohot haputusanNia sandiri. Sian mula ni mulana madung ditodo Ia hian hita hara ni por ni rohaNia anso markite-hite Kristus gabe halakNia hita,

EPESUS 1:9

Sian rohaNia sandiri dipaboa Debata do tu hita rahasia ni sangkapNia. I ma sangkap na dung nitontuhonNia humani sian mulana, angkon markite-hite Kristus do i pasidungonNia.

PANGARATAION 21:8

Tuhan, ampuni ma bangsoMu Israel na nipaluaMi sian Mesir. Ampuni ma hami, jana ulang etong hami na martanggung jawab di pamunuon ni halak na so marsala i.’