JUNUS 1:10 - BIBEL JAMITA NA DENGGAN

¹⁰ Dung i dicaritohon ia ma sanga songon dia pargilonia sian Tuhan. Umbege i mabiar situtu ma halahi, jana didok halahi ma tusia, “Aha dehe na dung dikarejohonmon?” – angke diboto halahi do bahaso na gilo do si Junus, mandao sian jolo ni Tuhan.

JUNUS 1:10 ပူးပေါင်းရင်းမြစ်များ

PAMUNGKAAN 3:13

Disapai Tuhan Debata ma tu dadaboru i, “Biasi dibaen ho songon i?” Jadi dialusi ia ma, “Na dipaoto-oto ni ulok i do au, gabe hupangan batu ni hayu i.”

2 SAMUEL 24:3

Tapi didok si Joab ma tu raja i, “Sai marlompit ganda ma nian rayat ni Israel on dibaen Tuhan Debata ni raja i lopus saratus lompit sian bahat ni halahi na saonnari, jana sai laing mangolu nian raja i marnida i. Tapi na giot tu aha ni raja i dehe pamilangion on?”

JOB 27:22

Dijalahi ia do nian parondingan, hape anggo alogo i laing manondong ma so maralangan.

JUNUS 1:11

Jadi laing mur manggasa-gasa muse do torus ombak i, lalu disapai angka parkapal i ma tusia, “Bia noma baenonnami tu ho anso mantak ombak on?”

JUNUS 1:3

Hape adop dalan na asing do kehe si Junus laho padaohon dirina sian Tuhan i. Kehe ia tu Jafo, jana didapot ia muse antong disi kapal na giot marlayar tu Tarsis. Dung digarar ia ongkosnia, manaek ma ia tu kapal i lalu marlayar ma ia dohot parkapal i tu Tarsis laho mandao sian Tuhan.

JOHANNES 19:8

Jadi dung dibege si Latus songon i pandok ni halahi, mur mabiar ma ia.

JOSUA 7:25

Dung i didok si Josua ma tu si Akan, “Biasi dialapi ho hasusaan tu hita? Saonnari paroon ni Tuhan ma hasusaan tu ho.” Jadi sude ma halak Israel mandangguri si Akan dohot batu lopus mate. Dongan sabagasnia pe dohot sude arta sinadongannia didangguri ma dohot batu jana abis ditutung.