JOSUA 9:24 - BIBEL JAMITA NA DENGGAN

²⁴ Dialusi halahi ma, “Hami baen pe songon i tuannami, hara ni na dung hami bege do bahaso na dung disuru ni Tuhan Debatamunu do si Musa, naposoNia i, mangalehen tu hamu sude luat on dohot mamunu sude jolma na tinggal di angka inganan na nidapotkonmunu. Jadi gabe mabiar situtu hami tu hamu; mabiar hami hona bunu, i ma dalanna umbaen na hami baen sudena on.

JOSUA 9:24 ပူးပေါင်းရင်းမြစ်များ

JOB 2:4

Tapi dialusi Sibolis i ma, “Ummarga do da hosa sian arta. Ra do jolma mangambungkon sude sinadonganna asalkan ma laing mangolu ia.

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

JOSUA 10:2

Tarancam situtu ma pangkilalaan ni halak na maringanan di Jerusalem, angke sarupa do godang ni Gibeon dohot angka kota na marraja; gumodang dope tehe sian Ai, jana angka halakna pe angka parporang na malo-malo do.

JOSUA 2:11

Disi hami bege barita i, gabe sun ma biarnami. Ma pola mago habaranion nami hara ni hamu. Debata ni langit dohot tano do anggo Tuhan Debatamunu.

JOSUA 2:9

jana didok ia ma tu halahi, “Huboto do na dung dilehen Tuhan do anggo luat on tu hamu. Sude do halak na dison mabiar tu hamu.

JOSUA 6:21

Sude halak na adong di kota i, na tobang na poso, halaklahi dadaboru dibunu do sude dohot podang. Sude pahan-pahanan lombu, biri-biri dohot halode pe dibunu.

JOSUA 9:9

Jadi dicaritohon halahi ma tu si Josua songon on, “Na sian luat na dao situtu do hami ro, tuan, dibaen madung hami bege taringot tu Tuhan Debata na nisombamunu tuannami. Madung hami bege taringot tu sude na nibaenNia di Mesir.