JOSUA 9:17 - BIBEL JAMITA NA DENGGAN

¹⁷ Jadi kehe ma halak Israel tu luat ni halahi i, i ma kota Gibeon, Kefira, Beerot dohot Kiryat-Jearim.

JOSUA 9:17 ပူးပေါင်းရင်းမြစ်များ

2 SAMUEL 4:2

Adong do dua halak pamimpin ni gerombolan ni anak ni si Saul, na margoar si Baana dohot si Rekhab, i ma anak ni si Rimon, halak Benyamin sian Beerot. (Masuk tu Benyamin do Beerot.)

1 JUJUR TAON 2:50

Laing pomparan ni si Kaleb muse dope na mangihut on: Si Hur, i ma anak siangkaan ni si Kaleb sian dadaborunia na margoar si Efrat. Si Sobal anak ni si Hur i ma na pajongjongkon Kiryat-Jearim.

1 JUJUR TAON 2:52

Si Sobal na mamungka kota Kiryat-Jearim, ia ma na umpompar halak Haroe, satonga halak na di Menuhot,

1 JUJUR TAON 2:53

songon i dohot angka horong na maringanan di Kiryat-Jearim, i ma horong Jetri, Puti, Sumati dohot Misrai. (Halak na mangingani kota Zora dohot Estaol, na sian angka horong sinangkin ma asal ni i.)

1 JUJUR TAON 21:29

Di hatiha i, di halongonan dope Bandar Ni Tuhan na nibaen ni si Musa i jana langgatan inganan ni haul situtungon i laing di inganan paribadatan na di Gibeon dope.

JEREMIA 26:20

Jungada muse do adong sada halak nari na mangkuling mangalo kota dohot bangsonta on mangasahon goar ni Tuhan, songon na hubaen on. Si Uria goar ni bayo i, anak ni si Semaya na sian Kiryat-Jearim.

JOSUA 10:2

Tarancam situtu ma pangkilalaan ni halak na maringanan di Jerusalem, angke sarupa do godang ni Gibeon dohot angka kota na marraja; gumodang dope tehe sian Ai, jana angka halakna pe angka parporang na malo-malo do.

JOSUA 15:60

Songon i muse kota na dua nari on rap dohot angka luat na humaliangna: Kota Kiryat-Baal (i ma Kiryat-Jearim) dohot kota Raba.

JOSUA 15:9

dung i torus ma tu mual ni aek Me-Neftoah, torus tu angka kota na di lambung ni Dolok Efron. Sian i mangeldok do garis batas i sabola tu Baala (i ma Kiryat-Jearim),

JOSUA 18:14

Sian Hasundutan ni dolok i, mangeldok ma garis batas ni tano i tu Selatan adop tu Kiryat-Baal (i ma Kiryat-Jearim). Marga Juda do nampuna Kiryat-Baal. I do batas ni tano i sabola Hasundutan.

JOSUA 18:15

Batasna sabola Selatan, mamungka ma i sian ujung ni Kiryat-Jearim torus tu angka mual ni aek Me-Neftoah.

JOSUA 9:16

Tolu ari dung dibaen parjanjian i, baru pe anso tarboto bahaso na so sadia dao do angka jolma i tinggal sian inganan ni halak Israel.

JOSUA 9:18

Hape nada tarbaen angka halak Israel be mamunu halahi, dibaen madung marsumpa angka pamimpin ni Israel tu halahi mangasahon goar ni Tuhan Debata ni Israel. Mungut-ungut ma sude halak Israel hara ni pangalaho on tu angka pamimpin ni halahi i.

JOSUA 9:3

Tapi anggo angka halak Gibeon na sian bangso Hewi, madung dibege halahi taringot tu na nibaen ni si Josua maradopkon Jeriko dohot Ai.

JOSUA 9:9

Jadi dicaritohon halahi ma tu si Josua songon on, “Na sian luat na dao situtu do hami ro, tuan, dibaen madung hami bege taringot tu Tuhan Debata na nisombamunu tuannami. Madung hami bege taringot tu sude na nibaenNia di Mesir.

HAKIM-HAKIM 18:12

halahi kehe tu Hasundutan ni Kiryat-Jearim na di tano Juda lalu disi ma halahi marbandar. I ma dalanna umbaen na laing digoari inganan i Parbandaran Ni Dan.

1 SAMUEL 6:21

Dung i disuru halahi ma utusan mandapotkon halak Kiryat-Jearim maroban tona songon on, “Madung dipaulak Tuhan Poti Parjanjian ni Tuhan i. Ro ma hamu jana paimbar hamu ma tu inganan munu i.”

1 SAMUEL 7:1

Dung i dibuat halak Kiryat-Jearim ma Poti Parjanjian ni Tuhan i lalu dioban halahi tu bagas ni na margoar si Abinadab na tinggal di ginjang ni tor. Dung i dipapunjung halahi ma si Eleasar anak ni si Abinadab laho manjago Poti Parjanjian i.