JOSUA 8:33 - BIBEL JAMITA NA DENGGAN

³³ Marjongjongan ma paadop-adop angka halak Israel, diholang-holangi Poti Parjanjian ni Tuhan dohot angka pamimpin, angka panglima, angka hakim dohot angka halak sileban na maringanan di tonga-tonga ni halahi, mangadop be tu angka Malim Levi na mamorsan Poti Parjanjian i. Satonga ma sian halahi mangadop tu Dolok Gerisim jana satonga nari mangadop tu Dolok Ebal. Madung diparentahon si Musa naposo ni Tuhan i hian do anso baenon ni halahi songon i muda dung dapot hatihana jagiton ni halahi pasupasu na nijanjihon ni Tuhan.

JOSUA 8:33 ပူးပေါင်းရင်းမြစ်များ

HARURUAR 12:49

Dos do aturan tu halak Israel asli dohot tu halak na leban na dung hot rap dohot hamu.”

HAMALIMON 24:22

Mangonai do uhum on tu sude halak Israel, bope tu halak na leban na rap dohot hamu, angke Au do Tuhan Debatamu.”

BILANGAN 15:15

Sude tona dohot aturan dos do di hamu dohot di halak sileban na maringanan rap dohot hamu, angke dos do hamu dohot halahi diida Tuhan. Jana salolot-lolotna do dalankonon na songon i.

BILANGAN 15:29

Dos do aturan i mangonai sanga tu ise pe na mardosa so hara ni na niuntil ia, bope halak Israel ia bope halak na leban na maringanan disi.

JOHANNES 4:20

“Anggo angka ompunami di dolok on do marsomba, tapi anggo Ho mandok hum di Jerusalem sajo do inganan ni halak marsomba.”

PANGARATAION 11:29

Muda dung dioban Tuhan hamu masuk tu tano na giot siingananmunu i, jadi angkon pajojoronmunu do pasupasu i sian Dolok Gerisim dohot bura sian Dolok Ebal. (

PANGARATAION 31:12

Suru ma marlagut sude halaklahi, dadaboru dohot dakdanak, dohot halak sileban na maringanan di hutamunu laho manangihon anso marsiajar halahi pasangapkon Tuhan Debatamunu, dohot manghaburjuhon mangoloi angka pangajaranNia.

PANGARATAION 31:25

Dung sidung, didok ia ma tu angka Malim Levi na dikarejokon mangurus Poti Parjanjian i,

PANGARATAION 31:9

Dung i disuratkon si Musa ma angka Tona Ni Tuhan Debata jana dilehen ia ma i tu angka Malim Levi na ditugaskon mangurus Poti Parjanjian i, dohot tu angka pamimpin ni Israel.

JOSUA 23:2

Jadi gabe dipio ia ma sude halak Israel, rap dohot angka hatobangon, angka pamimpin, angka panguhum, dohot angka panglima, lalu didok ia ma, “Madung matobang situtu au saonnari.

JOSUA 24:1

Dipio si Josua ma sude marga-marga ni bangso Israel anso marlagut di Sikem. Jadi marroan be ma angka hatobangon, pamimpin, panguhum dohot angka panglima ni bangso Israel mangadop tu Debata.

JOSUA 3:14

Hatiha manyabi do hatiha i, jana somal do magodang Batang aek Jordan i. Di na kehe halak Israel i manadingkon parbandaran ni halahi laho manaripari Batang aek Jordan i, parjolo ma angka malim mardalan lalu maroban Poti Parjanjian i. Jana disi didegehon halahi pat ni halahi tu batang aek i,

JOSUA 3:3

jana didok halahi ma tu halak Israel, “Muda diida hamu angka malim mamorsan Poti Parjanjian ni Tuhan Debatamunu i, hamu pe antong markobas ma manadingkon ingananmunu be laho mangihutkon halahi.

JOSUA 3:6

Jadi diparentahon si Josua ma angka malim mangangkat Poti Parjanjian i lalu kehe ma halahi manjoloi rayat i. Dibaen halahi muse ma na niparentahon ni si Josua i.

JOSUA 4:10

Anggo angka malim i laing jongjong do di tonga-tonga ni Jordan lopus sidung angka halahi patuluskon sude na niparentahon ni Tuhan tu halahi marhite si Josua. Laing hombar do sudena i tu na nidok ni si Musa tu si Josua. Horas do halak Israel manaripari batang aek i.

JOSUA 4:18

Disi lalu angka malim i tu topi ni batang aek i, mamungka ma mardalan aek i mangulahi songon na somal jana bubung ma batang aek i.

JOSUA 6:6

Jadi dipiohon si Josua ma angka malim jana didok ia ma, “Buat hamu ma Poti Parjanjian i, angkon mardalan di jolo ni Poti Parjanjian i pitu halak sian hamu na mamalu sarune.”