JOSUA 8:3 - BIBEL JAMITA NA DENGGAN

³ Jadi marhobas ma si Josua laho kehe tu Ai rap dohot sude tentarania. Dipili ia ma tolu pulu ribu angka parporang na dumenggan jana disuru ia ma halahi borngin-borngin

JOSUA 8:3 ပူးပေါင်းရင်းမြစ်များ

HARURUAR 17:9

Didok si Musa ma tu si Josua, “Pilii ma jolo sanga na piga-piga halak anso kehe marporang mangalo halak Amalek ancogot. Anggo au, jongjong di puncut ni dolok do maniop tungkot na nisuru oban ni Tuhan tu au.”

MATEUS 24:39

Jadi di na nitondong ni banjir i halahi sude, disi pe anso tarhalak halahi taringot tu na masa i. Laing songon i muse ma na giot masa, muda ro Anak Ni Jolma i.

MATEUS 24:50

Ro ma tuannia i di ari na so diambangnia, dohot di jom na so diboto ni naposo i.

MATEUS 25:6

Dung tonga borngin, tarbege ma sora na pio-pio, ‘Ma ro bayo pangoli i! Beta ma taalo-alo!’ ninna.

1 TESSALONIKA 5:2

Angke hamu sandiri pe tangkas do i diboto hamu, songon haroro ni panangko borngin do anggo haroro ni Ari Ni Tuhan i.

JOSUA 10:7

Dung i kehe ma si Josua rap dohot sude tentarania, dohot angka parangan na dumenggan sian Gilgal laho marporang.

JOSUA 8:2

Angkon songon na nibaenmu tu Jeriko dohot rajana i. Tapi anggo sanoli on tola do pambuatanmunu angka barang-barangna i dohot pahan-pahananna. Marhobas ma hamu mangaroro kota i tompu sian pudi.”

JOSUA 8:4

mardongan parenta songon on, “Martabuni ma hamu di adu ni kota i, tapi ulang madaotu; angkon tongtong do hamu hobas laho mangaroro.

2 PETRUS 3:10

Tapi anggo Ari haroro ni Tuhan na padua nolihon i, songon haroro ni panangko do i. Anggo di Ari i mago ma langit mardongan sora na gogo, jana mosok ma sude angka na adong di langit jana mago muse ma tano on dohot sude isina.

HAKIM-HAKIM 9:32

Jadi hara ni i, sugari nian kehe ma ho martabuni dohot angka halakmu di ladang muda borngin.