JOSUA 8:29 - BIBEL JAMITA NA DENGGAN

²⁹ Anggo raja ni Ai digantung ia di bona ni hayu, dipadiar ia disi lopus borngin. Jana dung lusut mataniari disuru si Josua ma halak mambuat bangke i lalu didanggurkon di dalan laho masuk tu horbangan ni kota i. Dung i ditimbuni ma inganan i dohot batu bahat sajo. Laing disi dope angka batu i lopus tu saonnari.

JOSUA 8:29 ပူးပေါင်းရင်းမြစ်များ

2 SAMUEL 18:17

Dung i diangkat ma bangke ni si Absalom i jana diambungkon ma tu bagasan sumur na bagas di harangan i. Ditimbun halahi ma sumur i dohot batu lopus gincat. Maporus ma sude tentara ni Israel tu bagasna be.

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

MASMUR 107:40

dipatutoru Tuhan angka na beteng ni halahi, disuru Ia marpinda-pinda halahi di padang na bidang jana na so adong dalanna.

MASMUR 110:5

Di siamunmu do Tuhan, muda jabat muruk Ia, angka raja pe dironcohon Ia.

JOHANNES 19:31

Ari Jumahat do hatiha i, i ma ari parhobasan tu Ari Pesta Paskah i. Nada tola di halak Jahudi laing gantung bangke ni halak na niparsilangkon di hayu parsilang di Ari Sabat. Tarlobi Ari Sabat na gumodang do Ari Sabat on. Jadi hara ni i dipangido halak Jahudi i ma tu si Latus anso niponggolan holi-holi ni pat ni angka na diparsilangkon i anso nipaijur bangke ni halahi sian hayu parsilang i.

BAENON NI ANGKA RASUL 12:23

Santongkin i manigor ro ma Surusuruan Ni Tuhan manampeleng si Herodes, hara ni na so nihormatannia Debata. Dipapangani binga ma ia lalu mate.

JOSUA 10:30

Maradopkon kota on pe dohot rajana i, dilehen Tuhan do hamonangan di angka halak Israel. Umpe sahalak na dipadiar mangolu; sude na sakota i dibunu. Songon na nibaen ni halahi tu raja ni Jeriko, laing songon i do dibaen halak Israel tu rajana i.

JOSUA 10:33

Ro do si Horam raja ni Geser mangurupi Lakis, tapi ditaluhon si Josua do ia dohot tentarania i; umpe sahalak tading, sude do mate.

JOSUA 12:9

Raja-raja na ditaluhon i ma angka raja na sian kota na mangihut on: Jeriko, Ai (na di lambung ni Betel), raja ni Jerusalem, Hebron, Jarmut, Lakis, Eglon, Geser, Debir, Geder, Horma, Arad, Libna, Adulam, Makeda, Betel, Tapuah, Hefer, Afek, Lasaron, Madon, Hasor, Simron-Meron, Aksap, Taanak, Megido, Kedes, Jokneam (na di Karmel), Dor (na di topi ni laut), Goyim (na di Galilea), dohot Tirsa, gabe tolu pulu sada raja ma sudena.

JOSUA 7:26

Dung salpu i, ditimbun halahi ma inganan i dohot batu bahat sajo. Laing disi dope angka batu i lalu tu saonnari. I ma dalanna umbaen laing digoari inganan i Rura Akor. Jadi gabe mombun ma muruk ni Tuhan.

JOSUA 8:23

Hum raja ni Ai sajo do na mangolu. Hona tangkup do raja i lalu dioban mangadop tu si Josua.